10 000 сўмга АИ-95: Тошкентда кунлик бензин нархлари эълон қилинди

UNG Petro 13 январь куни Тошкент шаҳрида бензин қуйиш шохобчаларидаги нархларни эълон қилди.

Унга кўра, АИ-80 Тошкентдаги иккита бензин қуйиш шохобчасида 5 700 сўмдан сотилмоқда. Булар UNG Petro ва Poytaxt Oil. 5 700 сўмдан бензин сотиб келаётган IBR Petroleum Station’даги нархлар келтирилмаган.  

Tatneft ва яна учта шохобчаларда АИ-80 нархи 6 000 сўм бўлиб турибди. Энг қиммат АИ-80 ни Mustang таклиф қилмоқда — 6 200 сўм. 

Нархлар АИ-80 бензини учун акциз солиғи бекор қилинганидан кейин туша бошлади. 

АИ-92 ва АИ-95 ларни энг арзон нархларда UNG Petro таклиф қилмоқда — мос равишда 9 000 сўм 10 000 сўм. Нархлар 2022 йил охирига нисбатан 500 сўмдан арзонлаган. Энг қиммат АИ-92 ва АИ-95 бензин турларини ҳамон Tatneft таклиф қилмоқда. 

Март ойидаги маълумотлардан фарқли равишда АИ-98 нархлари ҳеч қайси бензин қуйиш шохобчасида кўрсатилмаган.

Аввалроқ Ўзбекистонда АИ-80 бензини ишлаб чиқариш ҳажми 50 фоиздан кўпроққа оширилгани ҳақида хабар берилган эди.