Наманган тумани, “Катта Тошбулоқ” МФЙда жойлашган чўян қуйиш цехидаги парогенератор (автоклаб)да пар босими ортиб кетиши туфайли портлаш содир бўлди. Бу ҳақда “Дарё”га Бош прокуратура матбуот хизмати хабар берди.
Маълум қилинишича, воқеа 15 февраль куни соат 19:50 ларда юз берган. Оқибатда цехда ишлаётган икки нафар ишчи тан-жароҳати олиб, ҳодиса жойида вафот этган. Яна бир ишчи куйиш жароҳати олиб, шифохонага ётқизилган.
Мазкур ҳолат юзасидан Наманган туман ИИБ ҳузуридаги тергов бўлинмаси томонидан Жиноят кодексининг 257-моддаси 2-қисми “а” банди (меҳнатни муҳофаза қилиш қоидаларини бузиш одам ўлишига сабаб бўлиши) билан жиноят иши қўзғатилди.
Тергов ҳаракатлари олиб борилмоқда.
Изоҳ (0)