Машҳур образлари учун кам ҳақ тўланган совет актёрлари

Совет киносида битта роли сабаб дунё бўйлаб машҳурликка эришган, томошабинлар эътирофига сазовор бўлган, бироқ меҳнатига лойиқ гонорар олмаган машҳурлар ҳам бор. The Voice нашри машҳур фильмларда рол ўйнаб, жуда кам гонорар олган актрисалар ҳақида маълумот берди.

Наталья Варлей — “Кавказ асираси ёки Шурикнинг бошқа саргузаштлари” 1967 йил

Мафтункор талаба Нина совет киносининг энг севимли ва таниқли образларидан бирига айланган. Ажабланарлиси шундаки, Наталья Варлейнинг ушбу фильмдаги гонорари жуда кам бўлган. СССРда актёрларнинг маоши актёрнинг мақоми ва ролига қараб норматив ҳужжатлар билан тартибга солинган. Варлей учун бу биринчи, бироқ асосий ролларидан бири эди. Бундан ташқари, цирк артисти бўлган Наталья фильмдаги барча трюкларни ўзи бажарган. Шунга қарамай, актрисанинг гонорари атиги 1219 рубль (17 доллар)ни ташкил этган.

Таққослаш учун, Александр Демяненко фильмдаги образи учун 5520 рубль (75 доллар) олган, бу пулга ўша пайтда машина сотиб олиш мумкин эди) Айтганча, актёрнинг гононари кинокартинадаги энг юқори маош эди. Леонид Гайдайнинг режиссёрлик гонорари 4140 рубль (56 доллар)ни ташкил этди, бироқ у сценарий учун яна 2000 рубль (27 доллар) олди, шунинг учун у гонорар миқдори бўйича Демяненкони ортда қолдирди.

Светлана Светличная — “Бриллиант қўл” 1968 йил

“Бриллиант қўл” номли совет комедиясида актриса Светлана Светличная эпизод ролни ижро этган бўлса ҳам унинг образини унутиш қийин. У чет эллик гўзал каби экранда жуда чиройли кўринишга эга бўлган.

Светличнаянинг совет киноси тарихига қўшган ҳиссаси камтарона баҳоланди — у ўша саҳна учун атиги 46 рубль (63 сент) гонорар олди. Анна Сергеевна роли учун гонорарнинг қолган қисми 300 рубль (4 доллар)ни ташкил этди. Таққослаш учун, фильмда эпизодик ролни ижро этган актриса Нонна Мордюкова 1531 рубль (21 доллар) олган.

Наталья Кустинская — “Иван Василевич ўз касбини ўзгартиради” 1973 йил

Машҳур совет фильмларидан бирида рол ижро этган, бироқ жуда кам гонорар олган актрисалардан бири — Наталья Кустинская. У “Иван Василевич ўз касбини ўзгартирди” фильмда эпизод ролни ижро этган, унинг қаҳрамонининг Галочка ва бошқа дўстлари билан телефон суҳбати бугунги кунда ҳам келтирилади. Фильмда эсда қоларли образни яратган актриса 163 рубль (2 доллар) гонорар олган, бироқ бу ўртача ойлик маошидан бироз кўпроқ эди.

Бу гонорарга ўша пайтда денгиз бўйида дам олиш ёки яхши пальто сотиб олса бўлар эди. Таъкидлаш жоизки, фильмда бош ролларни ўйнаган актрисалар Наталья Селезнёва ва Наталья Крачковская ҳам жуда катта бўлмаган миқдорда — мос равишда 362 ва 342 рубль (4 доллардан кўпроқ) гонорар олган. Таққослаш учун, фильмда бош ролни ижро этган актёр Юрий Яковлев 4350 рубль (60 доллар) гонорар олган, аммо у кинокартинада иккита образни гавдалантирган.