Microsoft асосчиси Билл Гейтс Forbes журналига берган интервьюсида сунъий интеллект бўйича OpenAI билан ҳамкорлик қилиш, сунъий интеллектнинг меҳнат бозори, тиббиёт ва бошқа соҳаларга таъсири ҳақида гапирди.
2022 йилнинг ёзида Гейтс OpenAI асосчиси ва президенти Грег Брокман билан учрашиб, бренднинг сунъий интеллект (AI) контент яратиш маҳсулотлари билан танишди. Учрашув арафасида стартап Microsoft билан “кўп йиллик, кўп миллиард долларлик” чуқур ҳамкорликни эълон қилди.
— 2018 йилдаги OpenAI фаолияти ҳақида биринчи марта қизиқиш билан гапирганингизни эшитдик шекилли. Бу ростми? Бу компанияга айнан қачон қизиқиб қолдингиз?
— Сунъий интеллектга бўлган қизиқишим дастурий таъминот олами билан танишишнинг дастлабки кунларидан бошланган. Компьютер кўриши, эшитиши ва ёзиши мумкинлиги ҳақидаги ғоя бутун саноатимизнинг азалий мақсадидир. Бу ҳар доим қизиқ бўлган.
Мен Сем Алтманни (OpenAI бош директори) яхши биламан. OpenAI’да Грег (Брокман) ва Илья (Суцкевер, стартап ҳаммуассиси ва бош таҳлилчи) каби бошқа ходимлар билан учрашдим. Уларга шундай дедим: “Биласизми, агар биз билимнинг аниқроқ ифодасини ҳамда рамзий мантиқнинг аниқ шаклларини тақдим қилмагунимизча, ривожланиш ўзининг тўлиқ салоҳиятига эриша олмайди”.
Бундай саволларни нафақат мен, балки бошқа кўплаб одамлар ҳам кўтарди. Аммо улар мени ишонтиришга муваффақ бўлишди: бу улкан тил моделлари кенгайтирилганда, машинанинг хатти-ҳаракати катта даражада намоён бўлади.
Бундан ташқари, улар баъзи янгиликларни амалга оширди ва махсус тайёргарлик билан мустаҳкамлади. Мен доим алоқада бўламан ва улар ўз ишларини жуда яхши намойиш этади. Энди, бир мунча вақт ўтгач муаммоларни ҳал қилиш учун зарур бўлган профессионал баcк-энд дастурчилар билан жамоавий иш қилинмоқда. Ҳаммаси Microsoft билан ҳамкорликдан бошланди.
— Шахсий меросингиз уларга қандай ёрдам беришини кўриш ёқимли бўлса керак а?
— Ҳа, албатта, чунки мен уни (Microsoft) яхши кўраман. Биласизми, кўп фойдали ишлар учун бизда офис ишидаги каби ишчилар армияси йўқ. Айтишим керакки, ўтган йили (сунъий интелект бўйича) эришилган ютуқлар мени жуда хурсанд қилди.
— Жуда кўп технологик ўзгаришларни ёки катта силжишларни сиз каби яқин масофадан кам одам кўрган. Сунъий интелектни технология тарихидаги ушбу муҳим дақиқалар билан қандай таққослаган бўлардингиз?
— Мен ҳамма нарса юзада ётади, дердим. Бизда GUI бўлмаган шахсий компьютерлар бор эди. Кейин Windows ва Mac қурилмалари каби GUI компьютерлари пайдо бўлди.
Ажабланарлиси шундаки, мен сўнгги 12 ой ичида Сунъий интелект нуқтаи назаридан кўрган нарсам оддий шахсий компьютер, график фойдаланувчи интерфейсига эга шахсий компьютер ва Интернет каби муҳим. Сунъий интеллект рақамли технологиялар тарихидаги тўртта энг муҳим босқич орасида ўз ўрнига эга.
Бундан ташқари, OpenAI қандай ишлашини бошқаларга қараганда яхшироқ биламан. Албатта, улар ягона эмас. Аслида, бу ўзига хос тарзда ажойиб, чунки саноат янги иштирокчилар билан тўлдирилади. Аммо OpenAI қилган ишлари жуда таъсирли ва улар, албатта, AI саноатида етакчи. Оддий одамлар буни ChatGPT’нинг кенг қамровли экани туфайли кўриб турибди.
— Сизнингча, бу иш жараёни ва бизнес юритишни қандай ўзгартиради? Самарадорлик ошганидан хурсанд бўлишга ҳали эрта эмасми? Ишимни йўқотишдан хавотирланишим керакми?
— Сунъий интеллект ривожланишини кузатаётган мутахассисларнинг аксарияти, биринчи навбатда, AI ишчи мутахассисликлар ва жисмоний меҳнатга таъсир қилишини айтишади. Айнан шу нарса ҳозир содир бўлмоқда, шунинг учун ҳушёр бўлишга арзийди, гарчи ишлар кутганимдан бироз секинроқ кетаётган бўлса ҳам.
Бироқ, энг ажабланарлиси матнларни ўқиш ва ёзиш билан боғлиқ вазифалар, масалан, мураккаб ҳужжатлар тўпламини умумлаштириш ёки маълум бир муаллиф услубида асар яратиш — буларнинг барчасини сунъий интелект қила олади ва янада яхшироқ бўлиши мумкин. Бу даражада соддалик ҳайратланарли.
— Грег (Брокман) ва Семни (Алтман) билганингиз учун, нега улар сунъий интеллектни яратишга масъулият билан ёндашишларига ва технологиянинг муносиб сақловчиси бўлишларига ишончингиз комил? Айниқса кучли сунъий интеллект йўлида?
— OpenAI шуларни ҳисобга олган ҳолда ташкил этилган. Улар, албатта, соф тижорат ташкилоти эмас, гарчи технологияни ривожлантириш учун мураккаб ечимларни яратишга ресурслар мавжудлигини таъминлашга интилишса ҳам.
Вақт ўтиши билан аппарат ва алгоритмларни ўқитиш нархи ўнлаб миллиард долларларни ташкил қилади. Аммо ўрта муддатли истиқболдаги муаммо ишлаш масаласидир. Янги технология билан самарадорлик ошади ва бу меҳнат бозорига таъсир қилади.
Ҳали узоқ йўл бўлган кўп муддатли мураккаблик кўпчиликни ташвишга солмоқда: назорат қилиш масаласи. Агар технологияни бошқарадиган одамлар уни нотўғри йўналишга олиб боришса нима бўлади? Ва агар одамлар уни назорат қилишни бутунлай йўқоца, бу нимани англатади? Менимча, муҳокама учун жуда мос мавзу.
Ва, албатта, сунъий интелект узоқ вақт давомида муҳокама қилинади. Бу 2023 йилнинг энг қайноқ мавзуси бўлади. Алгоритм меҳнат бозорига ўзгаришлар олиб келади ва шунинг учун биз ўзимизга савол берамиз: чегаралар қаерда?
Масалан, технология ҳали ҳам илмий ишланмалардан жуда узоқда. Аммо ҳозир кўраётганимизни ҳисобга олсак, буларнинг барчаси яқин 5-10 йил ичида мумкин бўлади.
Изоҳ (0)