UFC 284. Ислом Maxачев чемпионлар тўқнашувида Волкановскини мағлуб этиб, камарини ҳимоя қилди. Зубайра Тухуговда мағлубият

Австралиянинг Перт шаҳрида Ўзбекистон вақти билан 12 февраль тонгида UFC 284 мусобақаси бўлиб ўтди.

MMA кечасининг марказий жанги енгил вазн тоифаси чемпиони Ислом Maxачев (24-1) ва ярим енгил дивизион чемпиони Александр Волкановски (25-2) ўртасида кечди.

Биринчи раунд бошида Волкановски кучли зарбалари билан Maxачевни мувозанатдан чиқаришга эришди, бироқ раунд давомида Ислом вазиятни ўнглади ва уни ўз фойдасига ҳал этди. Кейинги икки раундда ҳар икки яккакурашчи фаол ҳаракат қилди.

Тўртинчи раунд Maxачев фойдасига ёзилди, россиялик яккакурашчи раунд давомида рақибини партерда ушлаб турди. Бешинчи раундда зарбалар борасида Maxачев устунлик қилди, сўнгги дақиқада эса Волкановски кучли зарба билан Исломни мувозанатдан чиқарди ва уни партерда назорат қилишга муваффақ бўлди.

Яна бир марказий жанглардан бири ярим енгил дивизион вакиллари Яир Родригес (15-3) ва Жош Эммет (18-3) ўртасида бўлиб ўтди. Унда Родригес иккинчи раундда рақибини сабмишен орқали таслим этиб, дивизионнинг вақтинчалик чемпионига айланди.

Асосий кард

• Ислом Maxачев очколар эвазига Александр Волкановскини мағлуб этди;
• Яир Родригес 2-раундда Жош Эмметни сабмишен орқали таслим этди;
• Жек Маддалена 1-раундда Ренди Braunни сабмишен булан енгди;
• Жастин Тафа 1-раундда Паркер Портерни нокаутга учратди;
• Жим Крут ва Алонзо Менифилд ўртасидаги жанг дуранг билан якунланди.

Прелим кард

• Модестас Букаускас очколар эвазига Тайсон Педрони мағлуб этди
• Жошуа Кулибао 2-раундда сабмишен белан Мелсик Багдасарянни енгди;
• Клейдсон Родригес 1-раундда Шеннон Россни нокаут қилди;
• Жейми Маларки очколар эвазига Франсиско Pradoни ютди;
• Жек Женкинс очколар эвазига Дон Шаинисни мағлуб этди;
• Конклак Суфисара 2-раунддаги сабмишен эвазига Элисе Ридни ютди;
• Блейк Билдер очколар ҳисобига Шенй Янгдан устун келди;
• Элвис Оливейра очколар эвазига Зубайра Тухуговни енгди.