Нега уйқуга ётишдан аввал телефонга қараш мумкин эмас? Гаджетларни эрталабга қадар ўчириб қўйишга ундайдиган 4 та сабаб

Кўпчилигимиз кун давомида ижтимоий тармоқларни кузатиб, янгиликлардан хабардор бўлиб, фаол равишда виртуал мулоқотни олиб боришни одат тусига айлантириб улгурдик. Доимий тарзда уйқудан аввал камида ярим ёки бир соат вақтимизни телефонга сарфлаймиз. Шифокорлар тунги вақтда гаджетлардан фойдаланишнинг зарарлари ҳақида огоҳлантиради.

Уйқуга ётишдан олдин телефонда “ўтириш” васвасасига қарши тура олмаяпсизми? У ҳолда гаджетлар саломатлигимизга етказадиган зарарлар ҳақида билиб олишингиз зарур. Қуйида биргина гаджетлар туфайли соғлигимизда содир бўладиган ўзгаришлар ҳақида айтиб ўтамиз, деб ёзади “Новий очаг” нашри.

Кўзга зарар

Тунги вақтда ижтимоий тармоқларда кезиб юришни хуш кўрувчиларда “кўзлари олдида туман”, “кўришнинг хиралашиши” каби ҳолатлар кузатилишини қайд этадилар. Бу аломатлар ҳаддан ташқари кўз фаолиятининг кучайиши ва кўз аккомодацияси спазми туфайли содир бўлади. Экранга яъни, бир нуқтага мунтазам қараб туриш кўриш қобилиятини пасайишига олиб келади. Гаджетларга узоқ вақт давомида термилиш оқибатида яқин ва узоқ масофалардаги нарсаларни идрок этиш қобилиятини вақтинча йўқолади, кўз қорачиқлари катталашиб, кўзларнинг хира кўришига олиб келади.

Кўзларимиз ҳамиша ёрқин ва яхши кўришини истасак, иложи борича экран ёрқинлигини пасайтириб, телефонлардан камроқ фойдаланиш лозим.

Уйқу бузилиши

Зангори экранларнинг хавфи ҳақида эшитганмисиз? Зангори рангнинг табиатдаги асосий манбаи қуёш бўлса, кундалик ҳаётимизда эса электрон гаджетлардир. Гаджетлар экранидаги зангори ранг мелатонин (гипофиз безидан ажралади) гармонининг ишлаб чиқаришини рағбатлантиради. Бу гармон бузилиши ҳиссий ҳолатимизга салбий таъсир қилади, табиий биоритмларнинг бузилишига сабаб бўлади, деб таъкидлайди косметолог Елена Филлипова. Деярли ҳар тунда гаджетлардан фойдаланиш туфайли гармонлар фаолияти бузилади, ухлаш қийинлашади, уйқу вақтида безовталик кузатилади, мия дам олмайди. Ўз-ўзидан маълумки, уйқу бузилгач, кайфият ёмонлашиб, ишчанлик қобилияти йўқолади.

Бўйинда оғриқ

Аллақачон бўйин оғриғидан шикоят қилаётган бўлсангиз, ухлашдан олдин телефондан фойдаланишингиз мавжуд оғриқни янада кучайтиради. Гаджетлар экранига қараш учун бошларимиз олдинга эгилганида, бўйин мушаклари кучланади ва бу оғриққа сабаб бўлди.

Телефонда “ўтириш” васвасасидан воз кеча олмасак, телефонларни кўзларга мос даражада ушлашга ҳаракат қилишимиз керак.

Терининг тез қариши

Мутахассиснинг қўшимча қилишича, тери қатлами ҳам гаджетлардан ниҳоятда кўп азият чекади. Юз мушакларининг босим билан ишлаши туфайли ёшга боғлиқ ўзгаришлар яққол намоён бўлади: бошнинг доимий эгилиши бўйинда керакциз ажин ва бурмалар пайдо бўлишига олиб келади. Қимматбаҳо косметикалар ёрдамида юз терисини парвариш қилиш учун гарчанд анчагина пул сарфлаганимиз билан биттагина зарарли одат туфайли барча уринишларимиз беҳуда кетиши ҳеч гап эмас.

Мавзуга доир:

• Кўриш қобилиятининг пасайиши: Эътиборсиз қолдирмаслик керак бўлган дастлабки аломатлар
• Эртага ўзингизни яхшироқ ҳис қилиш учун бугундан амал қилишни бошлаш керак бўлган тавсиялар