Mazali nonushta: tez tayyor bo‘ladigan nutella va bananli qarsildoq sendvich retsepti

Agar mazali va tez tayyor bo‘ladigan nonushta retseptini izlayotgan bo‘lsangiz, unda nutella bananli shirin sendvich siz uchun yaxshi tanlov bo‘la oladi. Qarsildoq sendvich banan va shokolad bilan yanada mazali ta’mni hosil qiladi.

4 kishilik porsiya uchun kerakli masalliqlar: 

• kattaroq yaxshi pishgan banan — 1 dona
• sendvich noni — 4 dona
• qovurilgan bodom — 2 osh qoshiq
• nutella shokolad pastasi — 60 gramm

Tayyorlanishi:

1. Bananni tozalang va bo‘laklarga kesib oling. Bodomni maydalang.
2. 4 bo‘lak sendvich noniga nutella shokolad pastasini surting. Ustiga bodom seping, qoshiq bilan bosing. Banan bo‘laklarini 2 bo‘lak sendvich nonining ustiga qo’ying.
3. 2 bo‘lak bananni 2 ta nutella shokoladi surtilgan nonning ichiga solib, sendvich qiling. 
4. Sendvichlarni panjarali grilga terib, uning ustiga og‘irroq biror narsani bostirib qo‘ying. 5-6 daqiqa davomida panjarali grilda nonni qizarguncha aylantirib pishirib oling. 
5. Har bir sendvichni diagonal ravishda yarmiga bo‘ling. Sendvichlarni issiqligida dasturxonga torting. 

Yoqimli ishtaha!