Аҳолининг молиявий саводхонлиги жамият тараққиётига катта ҳисса қўшиши ҳеч кимга сир эмас. Iman Invest компанияси молиявий саводхонлик даражасини баҳолаш мақсадида Тошкент шаҳри аҳолисига "Пул йиғасизми?" саволи билан юзланди.
Хўш, натижа қандай? Тошкент шаҳри аҳолиси ўз маблағларини қай усулда жам ғармоқда? Халқимиз бозордаги молиявий маҳсулотлар ҳақида қанчалик билимга эга? Келинг, сўровнома натижалари билан танишиб чиқиб, бу ҳақида билиб оламиз.
Хўш, натижа қандай? Тошкент шаҳри аҳолиси ўз маблағларини қай усулда жамғармоқда? Халқимиз бозордаги молиявий маҳсулотлар ҳақида қанчалик билимга эга? Келинг, сўровнома натижалари билан танишиб чиқиб, бу ҳақида билиб оламиз.
Сўровнома қатнашувчиларининг жавобларига қараганда, 57 фоиз одам пул жамғармайди ёки бунга эҳтиёжлари йўқ; уларнинг деярли ярми (46 фоиз) ақалли бир марта бўлса ҳам пул тўплашга ҳаракат қилиб кўрган, қолган ярми эса (54 фоиз) пул тўплашга умуман қизиқмаганликларини билдиришган. “Пул йиғасизми?” деган саволга ижобий жавоб берганлар 43 фоизни ташкил этди.
Энг қизиқарли фактлардан бири, пул йиғадиган инсонларнинг 17 фоизигина бозорда мавжуд молиявий маҳсулотлардан фойдаланадилар.
Одамлар асосан қандай мақсадда ўз пулларини жамғаради?
Оилапарвар халқмизда! Сўровнома қатнашганларнинг 25 фоизи тўплаётган маблағлари оиласи учун эканлигини таъкидлашган. Уй олиш мақсадида пул йиғаётганлар 24 фоизни, ўз келажаги ва автомашина олиш учун пул жамғараётганлар бир хилда — 11 фоизни ташкил этган. Қолганлар эса “бизнес қилиш” (10 фоиз), “таълим олиш” (9 фоиз) ва “Ҳаж зиоратига бориш”(7 фоиз )ни пул жамғариш мақсади деб кўрсатган.
Пул жамғаришда қандай усуллардан фойдаланилади?
Сўровномада аҳолидан пул жамғариш усуллари ҳақида ҳам сўралди. Натижаларга кўра, пул жамғарувчиларнинг 67 фоизи маблағларини уйда сақлашни афзал кўришади. Уларнинг 55 фоизи хорижий валюта (АҚШ доллари)да, 45 фоизи эса сўмда сақлашади. Бунинг биринчи сабаби, халқимиз орасида бозордаги молиявий маҳсулотларга нисбатан ишонч етарли даражада шаклланмаганлиги бўлса, иккинчи сабаб эътиқод масаласидир. Ўзбекистон аҳолисининг асосий қисми эътиқод қилувчи Ислом динида рибо қаттиқ қораланганлиги сабабли аҳолининг кўп қисми бозордаги мавжуд анъанавий молиявий маҳсулотлардан фойдаланмайди.
Молиявий саводхонликнинг аҳамияти қанчалик муҳим?
Аҳоли молиявий саводхонлиги катта ижтимоий аҳамиятга эга. Чунки шахснинг молия борасидаги билим, кўникмалари ва уларнинг амалда татбиқ қилиниши билан бутун жамият иқтисодий ҳаётининг барқарорлиги таъминланади. Аҳолининг молиявий саводхонлиги қай даражада юқори бўлса, яшаш шароити ҳам шу даражада яхши бўлади.
Шахснинг молиявий саводхонлиги асосан, ўз маблағларини тўғри тақсимлаши, ортиқча маблағларни тўғри инвестицион воситаларга йўналтириши, доимий пассив даромад манбайини шакллантириши ва ана шу пассив даромад ҳисобига ўзининг ҳамда оиласининг турмуш шароитини яхшилашида намоён бўлади.
Юқорида таъкидланган барча хулосаларни инобатга олган ҳолда Iman компанияси ҳозирги кунда аҳолимизга ислом молияси тамойилларига асосланган юқори даромадли молиявий хизматларни тақдим этмоқда.
Iman Invest шерикчилик (Музораба) асосида сармоядорлардан маблағларни жалб қилади ва уни тижоратга йўналтиради (насия савдо, лизинг ва ҳ.к.) ва шу тижоратдан келадиган фойдани ўз сармоядорлари ўртасида дивиденд шаклида тақсимлайди. Қонуний нуқтаи назардан барча сармоядорлар компаниянинг ҳамтаъсисчисига айланади. Энг аҳамиятлиси, сармоядорлар ўз эҳтиёжларини анъанавий банклар даражасида, аммо исломий молия тамойилларига мувофиқ қондира оладилар.
Маълумот учун Iman Invest компаниясиGlobal Islamic Fintech'нинг 2022 йилги ҳисоботида 375 та исломий fintech компаниялари қаторида рўйхатга олинган. Очиқ манбалардаги маълумотларга кўра бугунги кунда Battary Road,Tesla Cаpital (умумий ҳисобда доллар 350 000),Uzcard Ventures ва Uzcard ВC (доллар160 000),Le Mersier's ва MyAsia (доллар 45 000), Umay Angels Club ҳамда Block 0 ( доллар 70 000) венчур фондлари Iman Invest компаниясини ривожлантириш учун сармоя киритганлар.
Иловани юклаб олиш:redirect.appmetrica.yandex.com
Реклама ҳуқуқи асосида.
Изоҳ (0)