Туркманистоннинг жануби-ғарбий қисмидаги Akpaтлавук вулқони отилишни бошлади. У Ердаги энг катта лой тепаликларидан бири ҳисобланади. Бу ҳақда “MIR 24” хабар берди.
Тепаликнинг баландлиги 60 метрдан ошади. Одамлар тепаликни “Оқ вулқон” деб аташади ва уни тирик организм билан солиштиришади. Портлаш пайтида кратердан чуқур нафасга ўхшаш товуш эшитилади. Ташқарига ярим суюқ лой брексия отилади. У лой, сув, нефть ва чўкинди жинсларнинг парчалари аралашмасидан иборат.
“Вулқон турли сабабларга кўра уйғониши мумкин. Эҳтимол, бирор жойда газлар тўплангани, шунинг учун ерости сувлари вулқонга таъсир ўтказган бўлиши мумкин. Улар тошни юмшатади, лой кўпроқ пластик ҳолатга келади. Бундай фаоллик ҳозирда хавфсиз. Отилиш қанча давом этишини олдиндан айтиш мумкин эмас. Лекин одатда бир неча кун давом этади”, — дейди эколог Меретдурди Кичимов.
Вулқоннинг марказида диаметри 150 метр бўлган кратерли кўл бор. У қизиб кетмайдиган ва совуқ бўлиб қоладиган қайноқ магма билан тўлган. Туркманистон санаторийларида бу масса доривор мақсадларда ишлатилади.
Изоҳ (0)