Актёр бўлиш бу — турли хил персонажларга айлана олишдир. Аммо баъзида маълум бир қаҳрамонни муваффақиятли ижро этган актёр режиссёрлар томонидан шу каби ролларга таклиф қилинаверади. Шу сабабли баъзи кино юлдузлар ўз ролининг гаровига айланади. Айримлар эса бу қолипдан чиқиб, кутилмаган роллари билан томошабинларни ҳайратлантиришда давом этади.
Лили Жеймс
Лили Жеймснинг биринчи ишларидан бири “Даунтон аббатлиги” фильмидаги Роуз роли бўлган ва романтик қизни ўйнаш таклифлари актрисани шошириб қўйди.
“Уруш ва тинчлик” мини-сериали, “Китоб ўқиш ва картошкали пирогни севувчилар клуби”, “Ғурур ва андиша ва зомби”, “Ребека” фильмлари, шунингдек, “Золушка” — актрисанинг фильмографиясида бу фильмлар муҳим ўрин тутади, лекин улар томошабинга унинг истеъдодининг фақат бир томонини — ёқимтой уятчан қизни тасвирлаш қобилиятини намойиш этади.
2022 йилда Лили одатдаги ролидан узоқлашишга ва ўзи учун мутлақо янги образни яратишга қарор қилди. У бир неча ўн йиллар олдин бутун дунёга машҳур бўлган Памела Андерсон ролини ўйнади. “Пем ва Томми” сериали Жеймснинг маҳоратини яна бир бор намойиш этди. Ўз иши учун у биринчи марта энг яхши актриса сифатида бир қатор ажойиб мукофотларга номзод бўлди.
Жейсон Момоа
Жейсон Момоа “Варвар Koнaн” фильмида рол ўйнаганидан сўнг, кўпинча ажойиб кучга эга жангчи ролига таклиф туша бошлади. “Тахтлар ўйини” ва “Кўриш” сериалларида ташқи кўриниши ва характери билан бир хил баҳайбат ваҳшийга ўхшаш қаҳрамонларни ижро этди. “Дюна” ва “Аквамен” фильмларида актёр ғайриоддий либосларда юрадиган, аммо шунга қарамай, ҳар қандай вақтда душманларга қарши курашишга тайёр шафқатсиз одамни ўйнаган.
Аммо 2022 йилда Момоа “Орзулар ўлкаси” эртак фильмида бош ролни ижро этиб, барчани лол қолдиришга муваффақ бўлди. У кичкина қизга сеҳрли марваридни топишга ёрдам берадиган шохлари ва ўткир тишли қаҳрамон ролини ўйнади. Бу роли билан у оилавий, самимий фильмларни уддалай олишини исботлади.
Генри Голдинг
Генри Голдингга узоқ вақтдан бери романтик қаҳрамон ролини ўйнаган. Машҳур “Ўта бой осиёликлар”, “Оддий неъмат”, “Икки кишилик Рождество” фильмларида у ёқимтой йигитларни ўйнаган. Эҳтимол, Гай Ричи бўлмаганида, бундай монотон ролларнинг охири бўлмасди.
Ушбу режиссёр туфайли Генри жанговар фильмларда ёвуз қаҳрамонлар ролига ҳам мос келишини исботлай олди. “Жентлменлар” фильмида у Қуруқкўз лақабли гангстер ролини ўйнаб, айниқса бош қаҳрамонларнинг асабларини бузди. Эҳтимол, бу ролдан кейин режиссёрлар Голдинг истеъдодининг янги қирраларини кўришган. Маълумки, у яқинда 2023 йилда чиқиши режалаштирилган жосуслик триллерида ҳам суратга тушган.
Уилл Смит
Кўпчилик томошабинларда Уилл Смит ҳамма жойда бир хил – қувноқ ҳазилкашдек таассурот уйғотади. Бу машҳур “Қора либосли одамлар” ёки нисбатан янги эртак “Олоуддин” бўладими – ҳар хил либослар ва манзараларда бўлса-да, деярли бир хил персонажларни кўрамиз. Тармоқ фойдаланувчилари Уилл шунчаки блокбастерларни танлаб, тажриба ўтказишни хоҳламаслигини айтишади.
Аммо 2022 йилда актёр ўзининг одатий қиёфасидан узоқлашишга қарор қилди ва “Озодлик” фильмида мураккаб драматик рол ўйнади, бу кўплаб томошабинларни унга бошқа томондан қарашга мажбур қилди. У ўтган асрнинг шафқатсиз даврида жуда азият чеккан, ва ниҳоят қочиб кетган қул образини яратди.
Педди Консидайн
Сўнгги пайтларда Педди асосан жанговар ва криминал фильмларда иккинчи даражали ролларда ўйнади. Унинг иштирокидаги кўплаб картиналар халқаро хитга айланган бўлса-да, бу актёрнинг номини томошабинлар эслаб қолишмайди. Ва ҳатто бугунги кунда “Нокдоун”, “Борн ультиматум” фильмларининг мухлислари ҳам Консидайн уларда кимни ўйнаганлиги ҳақидаги саволга жавоб бермаслиги мумкин. “Шелбилар оиласи” ва “Келгинди” ҳақида ҳам шундай дейиш мумкин.
Аммо актёр бошқа жанрни — эпик фантазияни танлаши биланоқ, у оламшумук машҳурлика эришди. 2022 йилда афсонавий “Аждаҳо уйи” лойиҳасида у қирол Визерис ролини ўйнаган ва монарх ҳаётининг турли босқичларини тасвирлаган. Унинг образи томошабинларда жуда кўп ҳис-туйғуларни уйғотди: ғазаб ва қоралашдан ачинишгача.
Сем Клафлин
“Ҳаёт-мамот ўйинлари” франшизасининг қисмларидан биридаги омадли ролидан сўнг, Клафлин мелодрамада жуда яхши муваффақиятга эришди. Лекин, айтиш керак, у бир муддат ишқий қаҳрамон образида қолиб кетди. “Муҳаббат билан, Рози”, “Амакиваччам Рейчел”, “Сени учратгунча” фильмларида сужет жуфтлик атрофига қурилган, бу фильмлардаги қалби яраланган йигит ролини актёр Клафлин ижро этганди.
Аммо 2023 йилда томошабинлар Семни ноодатий кўринишда кўриш имкониятига эга бўладилар. Актёр биз премерасини интиқлик билан кутаётган “Даисй Жонес анд The Сих” сериалида 70 йилларнинг рок юлдузини ўйнаган.
Лейтон Мистер
Бир йил олдин интернет-журналлар нима учун Лейтон Мистер экранларда деярли кўринмай қолгани билан қизиқа бошлади. Бунинг сабабларидан бири актрисанинг келажакдаги ижодига соя солган “Ғийбатчи қиз” сериалидаги бош роли бўлган. Дарҳақиқат, кўплаб фильмларда мухлислар ўша замонвий Блерни кўришда давом этишди. Масалан, “Монте Карло” ва “Хонадош” картиналарида ҳам. Актрисанинг образлари бошқача характерга эга бўлса ҳам, уларда умумийлик бор эди.
Аммо 2022 йилда Лейтон иштирокидаги янги фильм чиқди ва у бутунлай бошқача ролда пайдо бўлди. У турмуш қурган аёл ролини ўйнади, унинг никоҳи бузилиш арафасида, бундан ташқари, унинг энг яқин дугонаси базмдан кейин йўқолиб қолади.
Изоҳ (0)