Баъзи машҳурларнинг тақдири ўз истеъдоди, қатъияти ва жасорати туфайли енгиб ўтилган тўсиқларга ўхшайди. Кимдир қашшоқликда ёки ёмон ҳудудда яшаган, кимдир ҳақоратланган — ҳаёт бу одамларга қулай бошланғич шароитларни бермаган. Аммо ҳамма нарсага қарамай, бу юлдузлар ҳозирда ҳаммадан ёрқинроқ порлайди.
Опра Уинфри
Телебошловчининг таржимаи ҳолини ишонч билан “юлдузликка тиканлар орқали” деб аташ мумкин. Унинг оиласи шунчалик камбағал эдики, у болалигида картошка қопларини кўтариб юрарди. Ота-онаси ёш турмуш қуради ва ажрашади. Опра 6 ёшига қадар бувиси қўлида тарбияланган. Кейин бувисининг касаллиги туфайли қиз онасиникига кўчиб ўтади.
Опра ёшлигида ҳомиладор бўлиб қолади. Қизининг ҳомиладорлигидан хабар топган онаси уни отасининг олдига юборади, чунки оилада икки кишига жой йўқ эди. Афсуски, бола 2 ҳафта ҳам яшамайди. Уинфри учун бурилиш нуқтаси нотиқлик танловида ғолиб бўлган ва 4 йиллик коллеж стипендиясини олганида содир бўлади. У касбига эътибор қаратиб, ўз бахтининг яратувчисига айланади.
Леонардо Ди Каприо
Машҳур актёр ҳам камбағал оилада ўсган. Унинг ота-онаси болалигида ажрашган. Леони онаси тарбиялаган, аммо отаси билан ҳам яхши муносабатда бўлган. Ди Каприо нотинч ҳудудда ўсган, шафқатсизлик ва жиноятнинг гувоҳи бўлган. Келажакда, унинг ўзи айтганидек, бу унга Голливуд ҳаётининг васвасаларига берилмасликка ёрдам беради.
Леонинг ота-онаси ижодкор одамлар эди, бу эса йигитни актёрлик касбига ундайди. У тез-тез онасидан мактабга бормаслик учун уни кастингларга олиб боришини сўрарди. Ва бу натижа беради, у кичик ролларни ўйнашни бошлайди.
Самюэль Л. Жексон
Жексонни онаси томонидан қариндошлари тарбиялаган. Унинг онаси иш учун бошқа шаҳарга кўчиб ўтади, лекин мунтазам равишда ўғлининг олдига келиб туради. Самюэль ҳали гўдаклигидаёқ отаси уларни ташлаб кетганди.
Унга актёрнинг холаси катта таъсир кўрсатган. У бошланғич синф ўқитувчиси бўлиб, уни ўзи билан мактабга олиб боради. Унинг ёрдами билан Самюэль 2 ёшида ўқишни бошлайди, аммо мактабдаги болалардан олдинда бўлгани учун тез-тез муаммога дуч келади. Бундан ташқари, унинг холаси уни мактаб спектаклларида ўйнашни таклиф қилиб, актёрликка ундайди.
Сара Жессика Паркер
Бўлажак юлдуз ёш ёзувчи ва боғча тарбиячиси оиласида туғилган. Ота-онаси қизи 3 ёшида ажрашишади. Кўп ўтмай, онаси бошқа турмушга чиқади ва Сара қолган 7 фарзанд билан бирга ўсади. Сара дада деб атаган ўгай отаси кўпинча ишсиз қоларди, шунинг учун катта оила пул етишмаслигидан қийин пайтларни бошдан кечиради.
Туғилган кунлар ва бошқа байрамлар ҳар доим ҳам нишонланмасди, Сара мактабга эски-туски кийимда борарди. Оила кун кечириш учун нафақага таяниши керак эди. Қашшоқликка қарамай, онаси болаларининг маданиятга қизиқишини доимо қўллаб-қувватлайди, уларни театрлардаги бепул намойишларга олиб боради. Айнан ўша пайтда Сарада актрисалик ва санъатга муҳаббат пайдо бўлади.
Марк Уолберг
Замонамизнинг энг кўп маош оладиган Голливуд актёрларидан бири муаммоли ўсмир бўлиб, камбағал оилада ўсган. У 5 ака-ука билан бир хонада яшаган, 9 фарзанднинг энг кичиги эди. Отаси иш туфайли уйда деярли бўлмасди.
Уолберг жиноятчилик юқори бўлган муҳитда ўсган, унинг оиласи учун бу одатий ҳол эди. Бундай муҳит таъсири туфайли Марк ёшлигида 2 йил қамоқда ўтиради. У ерда у ҳаётини қайта кўриб чиқади, хип-хопдаги карерасини бошлайди (жуда муваффақиятли эмас) ва охир-оқибат актёр бўлишга қарор қилади.
Жоан Роулинг
Роулинг ўзининг ўсмирлик йилларини “қўрқинчли давр” деб таърифлайди. Қиз 15 ёшга тўлганда, онаси оғир касал бўлиб қолади. Тилшунос сифатида таҳсил олган Жоан таржимон бўлиб ишлаган, лекин бўш вақтларида ёзишни ёқтирарди.
Ёзувчи турмушга чиқади, лекин қизи туғилгандан кўп ўтмай, эр-хотин ажрашишади. Жоан чақалоғи билан биргина нафақага қараб қолади. Шундан сўнг чақалоғини кафега олиб боради ва ухлаб ётганида ёш сеҳргар ҳақида роман ёзади. Роулинг бу ҳақда шундай дейди: “Агар мен жуда камбағал бўлмаганимда, бу китобни ёзмаган бўлардим”.
Эминем
Эминем ҳам қийин болаликни ўтказади, у қашшоқликда яшайди. Синфдошлари уни масхара қилишгани учун тез-тез мактабини ўзгартиради. Кейин ижодкорлик унинг мақсадига айланади.
14 ёшида Marshall (бу қўшиқчининг ҳақиқий исми) клубларда реп куйлашни бошлайди. Кўп дарс қолдиришлар туфайли ёш реппер 3 марта 9-синфда қолади. Кейин у мактабни ташлаб, мусиқага эътибор қаратади, маҳаллий хип-хоп саҳнасида ном чиқаради ва кейинчалик унинг продюсери бўлган машҳур доктор Дренинг эътиборини тортади.
Селена Гомес
Бўлажак эстрада юлдузининг ота-онаси қиз 5 ёшлигида ажрашишади. Селенани онаси тарбиялаган. У театр актрисаси эди ва барча қийинчиликларга қарамай, кичкина Селенани илҳомлантиради. Гомес актрисалик фаолиятини эрта ёшда бошлаган.
Шон-шуҳрат чўққисида Гомес соғлиғида жиддий муаммоларга дуч келди. 2014 йилда у тери сили ташхиси билан касалхонага ётқизилади. Селена ёлғон миш-мишлар тарқалишининг олдини олиш учун ҳаёти ва муаммолари ҳақида доим очиқ гапиради.
Стивен Кинг
Кингнинг отаси чангюткич сотувчиси бўлиб, Стивен 2 ёшида тўсатдан оилани тарк этади. 2 фарзандли ёлғиз она кўчиб юришга мажбур бўлади. У бир вақтнинг ўзида 2-3 жойда ишлайди, баъзан болаларини ҳафталаб, ҳатто ойлаб қариндошларига қолдириб кетади.
Университет кутубхонасида ярим кунлик ишда ишлаётган Кинг ўзининг бўлажак рафиқаси Табита билан танишади. Рафиқаси шундай деб эслайди: “У менинг хотирамдаги энг камбағал талаба эди. Поябзал олишга имкони бўлмагани учун калиш киярди”. Тўйдан кейин эр-хотин юк машинасида яшашади. Кинг даҳшатли фильмлар қироли бўлгунга қадар кун кечириш учун ёнилғи қуйиш шохобчасида ва кир ювиш хизматида ишлаган.
Изоҳ (0)