Роналдиньонинг 17 ёшли ўғли “Барселона” сафига ўтади

Бразилиялик машҳур футболчи Роналдиньонинг ўғли Жоао Мендеш фаолиятини “Барселона”да давом эттиради.

Аввалига 17 ёшли Мендеш “Барселона”дан тиббий кўрикдан ўтгани ҳақида хабарлар янгради. Кейинроқ Роналдиёнинг ўзи ҳам ўғли каталонлар сафига ўтаётганини маълум қилди.

Жоао “Барселона”га ўтаётганини тасдиқлашим мумкин. “Барса” доим ҳаётим ва юрагимнинг бир қисми бўлган. Энди бу ўғлимнинг шарофати билан давом этади, — дейди Роналдиньо.

Роналдиньо 2003—2008 йиллар мобайнида “Барселона” сафида тўп сурган. Бразилиялик афсона “кўк-анорранглилар” билан икки бор Ла Лига ғолиблигини қўлга киритган, шунингдек, икки марта Испания Кубоги ва бир бор Чемпионлар Лигасида ғолиб чиққан.