А Серия. “Ювентус” рақиби устидан йирик ҳисобда ғалаба қозонди

Футбол бўйича Италия А Сериясининг 21-турида “Ювентус” ва “Салернитана” клублари 7 февраль, сешанба куни ўзаро тўқнаш келди.

Учрашувда туринликлар 3:0 ҳисобида зафар қучди. “Ювентус” сафида Душан Влаҳович дубль қайд этган бўлса, яна битта гол Филип Костич ҳисобига ёзилди. 

Шу тариқа Массимилиано Аллегри шогирдлари очколари сонини 23 тага етказиб, 10-ўринга кўтарилиб олди. “Салернитана” эса 21 очко билан 16-поғонани банд этган.

А Серия

21-тур баҳси

7 февраль, сешанба

“Салернитана” – “Ювентус” 0:3

Голлар: 0:1 – 26 Влаҳович (пенальти), 0:2 – 45 Костич, 0:3 – 47 Влаҳович.

“Салернитана”" Очоа, Трост-Эконг, Бронн, Брадарич (Бонассоли, 60), Вилена (Ловато, 46), Кулибали (Кастанос, 79), Николусси-Кавиля (Boxинен, 71), Самбия, Кандрева, Пентек (Чрнигой, 71), Диа.

“Ювентус”: Шенсни, Де Шильо (Айлинг, 80), Алекс Сандро, Данило, Бремер, Костич (Куадрадо, 62), Рабьо, Локателли, Миретти (Фажоли, 43), Ди Мария (Кеза, 62), Влаҳович (Кин, 79).

Огоҳлантиришлар: Рабьо (16), Вилена (23).