“Лейкерс” ҳужумчиси Леброн Жеймс “Оклаҳома”га қарши баҳсда тарихий рекорд қайд этди.
“Лейкерс” ўз майдонида 130:133 ҳисобида мағлуб бўлди. Леброн эса 38 очко жамғарди ва афсонавий баскетболчи Карим Абдул-Жаббор томонидан ўрнатилган сермаҳсуллик бўйича рекордни янгилади.
Карим Абдул-Жаббор фаолияти давомида 38.387 очко йиғган бўлса, Жеймснинг очколари сони 38.388 тага етди.
Леброн Жеймснинг ўзи бу рекорд ҳақида: “Шахсан мен ўзимни энг яхшиси деб ҳисоблайман. Лекин ҳамманинг ўз фаворит ўйинчилари бор ва ҳар ким ўзи учун энг яхшиси кимлигини ўзи ҳал қилади.
Қандай натижага эришганимни биламан ва ҳар бир ўйинда яна муваффақиятларга эришишга ҳаракат қиламан. Доим ўзимни тарихдаги энг яхшиси деб ҳисоблаганман, бироқ зўр баскетболчилар жуда кўп, улар қаторида эканлигимдан хурсандман”, — дейди.
Леброн 2003 йилда фаолиятини бошлаган ва “Кливлент Кавалерс”, “Майами Ҳит” ва “Лейкерс” каби жамоалар шарафини ҳимоя қилган.
Изоҳ (0)