АОКАда ўтказилган брифингда Қишлоқ хўжалиги вазирлиги Озиқ-овқат саноати бош бошқармаси бошлиғи ўринбосари Отажон Пирмонов ички истеъмол бозорига пиёз маҳсулотини кафолатли етказиб бериш, унинг захираси, етишмайдиган қисмини қоплаш бўйича амалга оширилаётган чора-тадбирлар ҳақида маълумот берди.
Қайд этилишича, қўшимча талаб этиладиган 37,5 минг тонна пиёзни 1 апрелга қадар ички бозорларга киритиш чора-тадбирлари белгиланган.
23 январь куни ўтказилган мониторингларда сараланмаган пиёзнинг улгуржи нархлари ўртача 6 500 сўмни, деҳқон бозорларидаги арзонлаштирилган махсус расталарда 5000 сўмни, савдо марказлари ва супермаркетларда 7 700 сўмни ташкил этган.
Мутахассислар фикрига кўра, маҳсулот тўлиқ нобуд бўлишининг олдини олиш мақсадида устки қисми музлаган пиёзни ҳаво мўтадиллашгунга қадар жойидан қўзғатмаслик керак.
“Яшил йўлак” тамойили асосида ўтган 25 кунда жами 5 минг тоннна пиёз ҳудудлараро интервенсия қилинган.
Интервенсия қилинган маҳсулотларнинг барчаси арзонлаштирилган махсус расталар орқали департамент органлари назорати остида нархларни асоссиз оширмасдан сотилиши таъминлаб борилмоқда.
Изоҳ (0)