3 февраль куни Шавкат Мирзиёевнинг Наманган вилоятига ташрифи Давлатобод туманидаги «Фазман текстиль» корхонасидан бошланди, деб хабар бермоқда Президент матбуот хизмати.
Қайд этилишича, хорижий инвесторлар келиши натижасида Наманган вилоятида Wаikiki, Baldessarini, ZARА каби брендлар остида кийимлар ишлаб чиқарилмоқда.
Яқинда очилган “Фазман текстиль”да ҳам иш шундан бошланган — Германиянинг Hugo boss бренди билан ҳамкорлик ўрнатилган.
Лойиҳа қиймати 20 миллион доллар бўлиб, бунинг ҳисобидан катта бино қурилган. Германия ва Туркиядан ускуналар олиб келинган. Мингга яқин иш ўрни яратилган.
Корхона йилига 1 миллион дона костюм-шим ишлаб чиқариш қувватига эга. Жорий йилда 15 миллион долларлик экспорт қилиш режалаштирилган.
Президент иш жараёнини кўздан кечирган. Маҳсулотлар сифати ва экспорт салоҳиятини юқори баҳолаган.
.jpg)
“Корхонада ёшларга иш ўргатиш учун ўқув маркази ҳам ташкил этилган. Президент ана шу ёшлар билан биргаликда суратга тушди”, — дейилади хабарда.
Маълумот учун: республикада костюм-шим маҳсулотларига бўлган талаб 10 миллион донани ташкил этади.
Изоҳ (0)