3-fevral kuni Shavkat Mirziyoyevning Namangan viloyatiga tashrifi Davlatobod tumanidagi «Fazman tekstil» korxonasidan boshlandi, deb xabar bermoqda Prezident matbuot xizmati.
Qayd etilishicha, xorijiy investorlar kelishi natijasida Namangan viloyatida Waikiki, Baldessarini, ZARA kabi brendlar ostida kiyimlar ishlab chiqarilmoqda.
Yaqinda ochilgan “Fazman tekstil”da ham ish shundan boshlangan — Germaniyaning Hugo boss brendi bilan hamkorlik o‘rnatilgan.
Loyiha qiymati 20 million dollar bo‘lib, buning hisobidan katta bino qurilgan. Germaniya va Turkiyadan uskunalar olib kelingan. Mingga yaqin ish o‘rni yaratilgan.
Korxona yiliga 1 million dona kostyum-shim ishlab chiqarish quvvatiga ega. Joriy yilda 15 million dollarlik eksport qilish rejalashtirilgan.
Prezident ish jarayonini ko‘zdan kechirgan. Mahsulotlar sifati va eksport salohiyatini yuqori baholagan.
.jpg)
“Korxonada yoshlarga ish o‘rgatish uchun o‘quv markazi ham tashkil etilgan. Prezident ana shu yoshlar bilan birgalikda suratga tushdi”, — deyiladi xabarda.
Ma’lumot uchun: respublikada kostyum-shim mahsulotlariga bo‘lgan talab 10 million donani tashkil etadi.
Izoh (0)