“Манчестер Юнайтед” ҳужумчиси Мэйсон Гринвуддан жинсий зўравонлик айби олиб ташланди.
2022 йил январь ойида футболчининг қайлиғи Ҳарриет Робсон футболчини зўравонликда айблаб, ижтимоий тармоқ орқали қонаган лаби ва танасидаги гематомалар тасвирланган фото ҳамда видеоларни эълон қилган. Шунингдек, қиз жинсий алоқага мажбурланаётгани ёзиб олинган аудиоёзувни ҳам эълон қилган. Шундан сўнг Мэйсон ўз уйида ҳибсга олинган эди.
Гринвуд жинсий зўравонлик, ўлим билан таҳдид қилишда гумон қилинган. 2022 йил 2 февралда у гаров эвазига озод қилинганди. Июнь ойида эса гаров эвазига озод қилиш муддати узайтирилганди.
2022 йил октябрь ойида Гринвуд уни жинсий зўравонликда айблаган қиз билан алоқага чиққани учун яна ҳибсга олинган.
2 февраль куни Манчестер полицияси Гринвуддан барча айблар олиб ташланганини маълум қилди.
“21 ёшли йигитга нисбатан 2022 йил январь ойида бошланган тергов иши тўхтатилди. Бу иш ОАВда кенг ёритилаётганини инобатга олиб, у энди жиноий жавобгарликка тортилмаслиги ҳақида хабар берамиз”, — дейди Манчестер полицияси.
Изоҳ (0)