Лионель Месси Криштиану Роналдунинг рекордини янгилади 

“ПСЖ” ҳужумчиси Лионель Месси Лига 1 доирасида “Монпелье”га қарши баҳсда (3:1) ўз ҳисобига гол ёздириб қўйди.

Ушбу гол аргентиналик футболчи учун топ-5 лигалардаги 697-голга айланди. “Барселона” сафида барча мусобақаларда 672 та, “ПСЖ” сафида эса 25 та голга муаллифлик қилган. Месси 697 та гол уриши учун унга 835 та ўйин кифоя қилди.

Лео бу натижа бўйича Криштиану Роналдуни ортда қолдирди. Португалиялик ҳужумчининг ҳисобида 696 та гол мавжуд: 145 та гол “Манчестер Юнайтед” сафида, 450 та “Реал” ва 101 та гол “Ювентус” сафида. У 919 та ўйинда шунча голга муаллифлик қилган.

Эслатиб ўтамиз, Роналду “Спортинг” сафида ҳам рақиб дарвозасини 5 маротаба ишғол этган, бироқ Португалия чемпионати топ-5 лигалар сафига кирмагани учун, бу голлар ҳисобга олинмаган.