Тожикистон 2023 йил бошида Марказий Осиёнинг ягона энергия ҳалқасига тўлиқ уланади. Бу ҳақда республика энергетика ва сув хўжалиги вазири ўринбосари Жамшед Шоимзодага таяниб, Sputnik хабар берди.
Маълум қилинишича, Тожикистоннинг жануби ва шимолида айрим тизимнинг айрим линияларда уланиш, қўшни давлатларга, жумладан, Ўзбекистонга электр энергияси экспорти ҳам бошланган. Шоимзода бу режани амалга оширишга кўплаб омиллар таъсир кўрсатиши, жумладан республика айни пайтда ягона тизим хавфсизлиги ва барқарорлигига алоҳида эътибор қаратаётганини айтди.
Бунга 2022 йил бошида Марказий Осиёнинг ягона энергетика марказида авария юз бергани, натижада Қозоғистон, Ўзбекистон ва Қирғизистоннинг катта қисми электр энергиясисиз қолгани билан боғлиқ.
“Шуни инобатга олган ҳолда, ҳамкорлар билан биргаликда энергия ҳалқасининг хавфсизлигини таъминлаш учун барча имкониятлар ишга солинмоқда”, — деди у.
Маълумот ўрнида, Қирғизистон 2022 йил 25 январь куни кузатилган электр энергиясидаги узилиш туфайли Марказий Осиёнинг ягона энергетика тизимидан чиққан.
Изоҳ (0)