АҚШнинг истеъфодаги генерали Жек Кин Қўшма Штатларда Хитой билан уруш олиб бориш учун етарлича тайёргарлик йўқлигини тан олди. Унинг сўзларини Newsweek нашри келтирмоқда.
“Ҳақиқат ва диққат қилишимиз керак бўлган нарса шундаки, биз (Хитой билан урушга) етарлича тайёр эмасмиз. Минтақада самарали ҳарбий тийиб турувчи кучларимиз йўқ. Хитойнинг кемалари, самолётлари ва ракеталари АҚШникидан кўп”, — деди у.
Бундан ташқари, Кин Конгресс Тайванга ХХРдан ҳужум бўлган тақдирда оролни ҳимоя қилиши кераклигини таъкидлади. “Вашингтон 19 миллиард долларлик ускуналарни ҳалигача жўнатгани йўқ”, — деди истеъфодаги генерал.
“Тайванга ёрдам беришимиз керак ва ўз муаммомизни ўзимиз ҳал қилишимиз керак. Бу диққат қаратишимиз керак бўлган нарса. Келинг, хавфни бартараф қилайлик ва тайёргарлик кўрайлик, айнан шу тариқа урушнинг олдини оламиз. Биз урушга тайёр бўлиш орқали унинг олдини оламиз”, — дея қўшимча қилди Кин.
Бундан ташқари, у АҚШ—Хитой урушини муқаррар деб ҳисобламаслигини айтди. Унинг фикрича, бу яқин келажакда содир бўлмайди, аммо ҳарбий можаро юз бериши истисно эмас.
Эслатиб ўтамиз, аввалроқ АҚШ армияси икки йилдан кейин Хитой билан уруш бошланиши мумкинлиги ҳақида огоҳлантирилганди. Ҳарбий ҳаво кучлари генерали Майк Минихан бу ҳақда қўл остидаги офицерларга хабар юборган.
Изоҳ (0)