“Путиннинг бир қанча қиёфадоши бор” — Украина разведкаси раҳбари

Украина ҳарбий разведкаси раҳбари Кирилл Буданов Россия президенти Владимир Путин саратон касаллигига чалингани ҳақидаги маълумотлар ҳақиқатга яқин эканини айтди. У The Washington Post нашрига берган интервьюсида бу ҳақда гапирди.

Будановнинг сўзларига кўра, Путиннинг бир қанча қиёфадошлари бор. “Ҳозирги Путин ҳақиқийми, деган савол очиқлигича қолмоқда”, — деди у.

Шунингдек, разведка раҳбари Украинада 326 мингга яқин рус қўшинлари борлиги ҳақидаги разведка маълумотига эгалиги, Россия захирасида “Калибр” узоқ масофали ракеталарининг атиги 9 фоизи қолганини таъкидлади.

Аввалроқ Украина президенти Владимир Зеленский Давос иқтисодий форумидаги нутқида Путиннинг ҳали тирик эканига ишончи комил эмаслигини айтганида, Буданов келтириб ўтган маълумотларга таянган бўлиши мумкинлиги айтилмоқда.

Кирилл Буданов Путин камида учта қиёфадошга эгалиги, улар Кремл раҳбарига кўпроқ ўхшаши учун пластик жарроҳлик амалиётини бошидан ўтказганини айтганди.