Ўзбекистон ва олтинни нима боғлаб туради?
Шарҳ аудиосини бу ерда тингланг
Ўзбекистоннинг деярли 36 млрд долларлик халқаро захираларининг 63 фоизи олтиндан иборат. Бу эса мамлакатни олтин бозорида фаол бўлишга ундайди.
Марказий банки раиси ўринбосари Беҳзод Ҳамроев Bloomberg’га берган интервьюсида Ўзбекистон захиралардаги олтин улушини 50 фоиздан пасайтирмоқчи бўлгани, бироқ бозор бунга йўл қўймагани ҳақида айтган эди.
Рақамлар билан танишадиган бўлсак, 2022 йилда Ўзбекистоннинг экспорти таркибида олтиннинг улуши 21 фоиздан ошиб, саноат товарларидан (23 фоиз) кейин иккинчи ўринни эгаллаган.
Яъни олтин экспорти 2019 йилда 4,9 млрд доллар, 2020 йилда 5,8 млрд доллар, 2021 йилда 4,1 млрд долларни ташкил қилган бўлса, мамлакат ўтган йилнинг беш ойида салкам 4,25 млрд долларлик олтин экспорт қилган.
Март ойидан ноябргача етти ойлик нархлар пасайиш даврида Ўзбекистон олтин экспортидан олтин импортига ўтди.
Ноябрга келиб олтин нархлари ўса бошлагач, сўнгги икки ой ичида яна қарийб 1,3 млрд долларлик олтин сотди. Январь ойида нархлар ўсишда давом этаётганини ҳисобга олсак, мамлакат бу ойда ҳам катта эҳтимол билан олтин экспорт қилади.
2023 йилда Ўзбекистон олтинни сотадими ёки сотиб оладими?
Иқтисодий таҳлилчи Борис Красноженов бозорда олтин нархи сезиларли ўзгаришини айтиб ўтди.
Экспертнинг сўзларига кўра: Яқин истиқболда юқори фоиз ставкалари иқтисодий ўсишни секинлаштиради, бу эса доллар курсини заифлаштириб олтин нархининг навбатдаги кўтарилишига олиб келади.
Хабар муаллифи: Фозил Қамбаров
Манба: давлат статистика қўмитаси, Bloomberg халқаро нашри
Шарҳловчи: Ойсанам Ғуломжонова
Изоҳ (0)