O‘zbekiston va oltinni nima bog‘lab turadi?
Sharh audiosini bu yerda tinglang
O'zbekistonning deyarli 36 mlrd dollarlik xalqaro zaxiralarining 63 foizi oltindan iborat. Bu esa mamlakatni oltin bozorida faol bo‘lishga undaydi.
Markaziy banki raisi o‘rinbosari Behzod Hamroyev Bloomberg’ga bergan intervyusida O‘zbekiston zaxiralardagi oltin ulushini 50 foizdan pasaytirmoqchi bo‘lgani, biroq bozor bunga yo‘l qo‘ymagani haqida aytgan edi.
Raqamlar bilan tanishadigan bo‘lsak, 2022-yilda O‘zbekistonning eksporti tarkibida oltinning ulushi 21 foizdan oshib, sanoat tovarlaridan (23 foiz) keyin ikkinchi o‘rinni egallagan.
Ya'ni oltin eksporti 2019-yilda 4,9 mlrd dollar, 2020-yilda 5,8 mlrd dollar, 2021-yilda 4,1 mlrd dollarni tashkil qilgan bo'lsa, mamlakat o‘tgan yilning besh oyida salkam 4,25 mlrd dollarlik oltin eksport qilgan.
Mart oyidan noyabrgacha yetti oylik narxlar pasayish davrida O‘zbekiston oltin eksportidan oltin importiga o‘tdi.
Noyabrga kelib oltin narxlari o‘sa boshlagach, so‘nggi ikki oy ichida yana qariyb 1,3 mlrd dollarlik oltin sotdi. Yanvar oyida narxlar o‘sishda davom etayotganini hisobga olsak, mamlakat bu oyda ham katta ehtimol bilan oltin eksport qiladi.
2023-yilda O'zbekiston oltinni sotadimi yoki sotib oladimi?
Iqtisodiy tahlilchi Boris Krasnojenov bozorda oltin narxi sezilarli o‘zgarishini aytib o‘tdi.
Ekspertning so'zlariga ko'ra: Yaqin istiqbolda yuqori foiz stavkalari iqtisodiy o‘sishni sekinlashtiradi, bu esa dollar kursini zaiflashtirib oltin narxining navbatdagi ko‘tarilishiga olib keladi.
Xabar muallifi: Fozil Qambarov
Manba: davlat statistika qo‘mitasi, Bloomberg xalqaro nashri
Sharhlovchi: Oysanam G‘ulomjonova
Izoh (0)