Юқори ўнликда учта банк: Ўзбекистондаги давлат ташкилотларининг киберхавфсизлик рейтинги эълон қилинди

“Киберхавфсизлик маркази” давлат ва хўжалик бошқаруви, ҳамда маҳаллий давлат ҳокимияти органларида ахборот ва киберхавфсизликнинг таъминланганлиги ҳолати 2022 йил 4-чораги якуний натижалари бўйича рейтинг баҳолаш ўтказилди.

Қайд этилишича, баҳолаш “Киберхавфсизлик маркази”нинг ахборот ва киберхавфсизлик мониторинги тизимидаги ташкилотлар томонидан тақдим этилган маълумотларга асосланган.

Ахборот ва киберхавфсизликнинг таъминланганлиги ҳолати бўйича рейтингнинг юқори ўнлигидан қуйидаги ташкилотлар жой олди:

1. Ўзбекистон Марказий банки — 99 балл;
2. “Ўзсаноатқурилишбанк” — 98,7 балл;
3. Ўзбекистон Адлия вазирлиги — 97,9 балл;
4. “Микрокредитбанк” — 97,9 балл;
5. Ўзбекистон Давлат божхона қўмитаси — 96,7 балл; 
6. “Асакабанк” — 95,6 балл;
7. Ўзбекистон Давлат солиқ қўмитаси — 95,4 балл;
8. Ўзбекистон Республикаси статистика қўмитаси — 95,3 балл;
9. Навоий кон-металлургия комбинати — 95 балл;
10. Ўзбекистон Давлат активларини бошқариш агентлиги — 94.2 балл.