Ўзбекистонда 2022 йилда кўчмас мулк бозоридаги талаб ўзгаришлари таҳлил қилинди. Бу ҳақда “Дарё”га Иқтисодий тадқиқотлар ва ислоҳотлар маркази хабар берди.
Ўтган йили кўчмас мулк бозорининг ўзига хос хусусияти сотувларнинг қисқа кўтарилиш ва пасайиш даврларининг ўзгариши эди.
Август ойидаги кескин кўтарилишдан сўнг, сентябрь—октябрь ойларида фаоллик бироз пасайди. Аммо ноябрь ойида ипотека кредитларидан фойдаланиш бўйича кенгайтирилган дастурни қабул қилиш билан боғлиқ ўсиш кузатилди. Йилнинг сўнгги ойи декабрь эса савдоларнинг сезиларли пасайиши билан ажралиб турди.
Шундай қилиб, декабрь ойида 15 мингта кўчмас мулк олди-сотди шартномалари рўйхатга олинди, бу бир ой олдингига нисбатан 37 фоизга кам.
Умуман олганда, ўтган йили уй-жой олди-сотди шартномаларининг умумий сони 257 мингдан ошди, бу 2021 йилга нисбатан 3,8 фоизга кўпдир.
Кўчмас мулк бўйича расмийлаштирилган олди-сотди шартномалари сонининг ўзгариши:
Мутахассисларнинг таъкидлашича, кўчмас мулк бозоридаги фаоллик арзон ипотека давлат дастурларини рағбатлантиришда давом этмоқда.
Шундай қилиб, 2023 йил 1 январь ҳолатига ипотека кредитлари қолдиғи 46,4 трлн сўмни ташкил этиб, бу кўрсаткич 2021 йилга нисбатан 1,3 баробарга, 2017—2022 йилларда эса 6 баробарга ошди.
Изоҳ (0)