Юрак-қон томир касалликларидан вафот этиш сайёрадаги умумий ўлим сонининг учдан биридан кўпроғини ташкил қилади, деб ёзади Wday.
Афсуски, кўпинча ҳеч ким юрак мушакларининг жиддий шикастланишини кўрсатадиган аломатларга эътибор бермайди. Аломатларни эрта аниқлаш ва даволашни вақтида бошлаш касалликни енгишга ёрдам беради.
“Иқтисодий ривожланган мамлакатларда ҳам юрак ишемик касаллиги ўлимнинг асосий сабабидир. Асосий аломатлар нафас қисилиши, бош айланиши ва юрак соҳасида оғирликдир. Агар бу аломатлар тўсатдан пайдо бўлса, шошилинч тез ёрдам чақириш ёки шифокор билан маслаҳатлашиш керак”, — дейди мутахассис.
Нафас қисилишининг ривожланиши
Ҳаракатланиш пайтида нафас қисилиши ёки нафас олиш қийинлашуви бу илк огоҳлантириш бўлиши мумкин. Энг оғир вазиятларда, ётган ҳолатда ҳаво етишмовчилиги кузатилади ва бундай вақтда бир нечта ёстиқлар ёрдамида ухлаш керак.
Чарчоқ ва ҳолсизлик
У таътил ва дам олиш кунларидан кейин ҳам кузатилади, ҳеч нарсага куч етмайди. Оддий ишни бажариш қийинлашади, доимо ётиш истаги пайдо бўлади. Ҳамма нарсани дангасалик билан боғламаслик ва текширувдан ўтиш тавсия этилади.
Бош айланиши
Юрак етишмовчилигида қон оқими пасаяди, қон айланишининг бузилиши натижасида бош айланиши мумкин. Миянинг нормал ишлаши учун қон етиб бормайди. Мия томирларига зарар бермаслик учун бу муаммони шифокор билан муҳокама қилиш керак.
Йўталнинг пайдо бўлиши
Анъанавий дорилар билан даволаш мумкин бўлмаган ва шамолламаганда ҳам кузатиладиган йўтал ҳам навбатдаги сигнал бўлиши мумкин. Унинг пайдо бўлишининг сабаби ўпкада суюқлик тўпланишидир. Бу ҳолат иштаҳасизлик ва овқат ҳазм қилиш трактининг бузилиши билан бирга кузатилиши мумкин.
Совуқ тер
Ҳаддан ташқари терлашнинг кутилмаганда пайдо бўлиши қалқонсимон без билан боғлиқ муаммоларнинг сигнали бўлиши мумкин. Аммо терининг заифлиги ва рангпарлиги билан бирга кузатиладиган совуқ терлаш юрак касаллигидан дарак беради.
Юрак уриши ва пулснинг ўзгариши
Оддий ҳолатда, юрак уриш тезлиги жисмоний зўриқиш ёки ҳис-туйғуларнинг кучайиши пайтида ортади. Агар юрак ишида узилишлар бўлса, у тез-тез уради, кейин музлайди ва буларнинг барчаси нафас қисилиши ва ҳолсизлик билан бирга кузатилади.
Шиш
Шиш оёқларда ҳосил бўлади. Биринчидан, ишдан кейин оёқларда оғирлик ва шиш пайдо бўлади, бу горизонтал ҳолатда йўқолади. Агар бунга эътибор берилмаса ва шифокорга мурожаат қилинмаса, у ёмонлашади. Нафақат оёқ ва оёқ бармоқлари, балки қориннинг пастки қисмига қадар шиш пайдо бўлади. Кейинги босқичларда шиш нафас қисилиши билан кечади ва шошилинч касалхонага ётқизишни талаб қилади.
Агар оёқлар тез-тез шишиб бораётган бўлса, нафас олиш қийинлашади, доимий заифлик ва бош айланиши тинч қўймайди. Ушбу ҳолатда вақтни ўтказмасдан шифокорга мурожаат қилиш лозим.
Мавзуга доир:
Изоҳ (0)