Фарғона вилояти Қўқон шаҳрида диний мазмундаги материаллар тарқатаётган эркак ушланди. Бу ҳақда вилоят Ички ишлар бошқармаси ахборот хизмати хабар берди.
Қайд этилишича, тезкор-қидирув тадбир давомида А.Т.га тегишли бўлган iPhone 12 Prо телефони кўздан кечирилганда, Telegram’да канал очиб, у орқали диний мазмундаги аудио ва видео маърузаларни тарқатиб келаётгани аниқланган.
Мазкур ҳолат юзасидан Маъмурий жавобгарлик тўғрисидаги кодекснинг 184-моддаси прим 2-моддаси билан ҳужжатлар расмийлаштирилиб, жиноят ишлари бўйича судга юборилган. Суд ҳуқуқбузарга БҲМнинг 3 баробари, 900 минг сўм миқдорда жарима тайинлаган.
Изоҳ (0)