Farg‘onada diniy mazmundagi materiallar tarqatish holati aniqlandi 

Farg‘ona viloyati Qo‘qon shahrida diniy mazmundagi materiallar tarqatayotgan erkak ushlandi. Bu haqda viloyat Ichki ishlar boshqarmasi axborot xizmati xabar berdi.

Qayd etilishicha, tezkor-qidiruv tadbir davomida  A.T.ga tegishli bo‘lgan iPhone 12 Pro telefoni ko‘zdan kechirilganda, Telegram’da kanal ochib, u orqali diniy mazmundagi audio va video ma’ruzalarni tarqatib kelayotgani aniqlangan.

Mazkur holat yuzasidan Ma’muriy javobgarlik to‘g‘risidagi kodeksning 184-moddasi prim 2-moddasi bilan hujjatlar rasmiylashtirilib,  jinoyat ishlari bo‘yicha sudga yuborilgan. Sud  huquqbuzarga BHMning 3 barobari, 900 ming so‘m miqdorda jarima tayinlagan.