Андижонда эркак аммаси ва жиянини пичоқлаб ўлдирди

Андижон вилояти Хўжаобод туманида 25 январь куни 30 ёшли эркак аммаси ва жиянини ўлдирди. Бош прокуратура ҳолат юзасидан муносабат билдирди.

Қайд этилишича, соат 18:30 да эркак аммасининг яшаш уйида кредит қарздорлигини тўлаш учун қарзга пул сўраган ва аммасидан рад жавобини олган.

Рад жавобидан жаҳли чиққан эркак пул маблағларини қўлга киритишни мақсад қилиб, аммаси ва у билан яшовчи жиянини хўжалик пичоғи билан қасддан ўлдирган. 

Шундан сўнг у хонадонда бўлган 7 миллион сўм пулни қўлга киритиб, воқеа жойидан яширинган. Олиб борилган тезкор-қидирув тадбирлари натижасида гумонланувчи шахс ушланган. Тергов ҳаракатлари давом этмоқда.