Тошкент шаҳридан оқиб ўтувчи Анҳор каналида нафақат ёзнинг иссиқ кунларида балки қишнинг қаҳратон совуғида ҳам чўмиладиган инсонлар гуруҳи бор. Уларни кўпчилик “морж”лар деб аташади.
“Дарё” мухбири “Морж клуби” аъзолари билан суҳбатлашиб, танани турли ҳаво ҳароратларида чиниқтиришга қаратилган гуруҳ фаолияти ҳақида materиал тайёрлади.
“Морж клуби”нинг директори, нафақадаги темирёълчи Тўра Қодировнинг маълум қилишича, Ўзбекистонда “Моржлар клуби”га 1948 йилда асос солинган бўлса-да, 1962 йилга келибгина Шароф Рашидов бошчилигида расман давлат рўйхатидан ўтказилган.
“Ўша йили анҳор бўйида “моржлар” учун шийпон қурилиб, кийим алмаштириш учун кабиналар ўрнатилган. 43 йилдан буён клуб аъзосиман. Жамоа билан кунда-кунора келиб турамиз. Эрталаб келиб, чўмилишдан аввал бир соат баданни қиздириш учун пиёда юрамиз. Келибоқ сувга тушиб бўлмайди. Бадан қизиши керак”, — деди клуб раҳбари.
Тўра Қодиров Байкал кўлида — 40 даража совуқ сувда ҳам чўмилганини қўшимча қилди.
Клуб аъзоларидан бири Фарҳод Зокировнинг айтишича, у тўрт йил аввал инсулт бўлган ва бу касаллик асоратларини енгиб ўтиш мақсадида совуқ сувда чўмилишни бошлаган.
“Шу ерга келиб чўмиламиз, совуқ сув иммунитетни кўтаради, тана тетик бўлади. Қайсидир шифокорлар инсулт ўтказган инсонлар совуқ сувда чўмилиш мумкин эмас деса, баъзилари ҳозирча чўмилмай туринг, дейди. Лекин менда ҳеч қандай ёмон ҳолат кузатилгани ёъқ. Шу кунгача чўмилишни канда қилмай келяпман”, — деди Фарҳод Зокиров.
Ҳозирда клуб аъзолар сони 30 нафарга етган. Унга аъзолик эркин ва мутлақо бепул.
Маълумот учун, “морж”лар турли давлатларда турлича ном билан аталади. Масалан, Россия, Польша, Нидерландияда “моржлар”, Финландияда “қундузлар”, Латвияда “тюлен”, Шимолий Америкада эса “қутб айиқлари” деб аталади.
Изоҳ (0)