21 январь куни Бухорода Ўзбекистон—Туркманистон давлат чегарасини делимитация ва демаркация қилиш масалалари бўйича қўшма ҳукуматлараро комиссия ишчи гуруҳларининг йиғилиши якунланди, деб хабар қилмоқда «Дунё» АА.
ТИВ маълумотига кўра, 16—21 январь кунлари томонлар Ўзбекистон ва Туркманистон ўртасидаги давлат чегарасини делимитация ва демаркация қилиш масалалари бўйича ҳукуматлараро комиссиянинг қўшма мажлисига тайёргарлик кўриш масалаларини кўриб чиқди.
Жумладан, давлат чегарасини демаркация қилиш бўйича норматив-ҳуқуқий ва техник ҳужжатлар лойиҳалари кўриб чиқилди ва келишиб олинди.
Йиғилишда, шунингдек, ишчи гуруҳларнинг 2023 йилга мўлжалланган йиғилишлари тақвими келишиб олинди.
Музокаралар якунида протокол имзоланди.
Эслатиб ўтамиз, 2022 йилнинг декабрида Ўзбекистон—Қозоғистон давлат чегарасини демаркация қилиш тўғрисида шартнома имзоланганди.
Мавзуга доир: 30 йиллик муаммо ҳал бўлди: Мирзиёев Қирғизистон билан чегара ва Андижон сув омборига оид қонунларни имзолади
Изоҳ (0)