Қирғизистон парламенти давлат тили тўғрисидаги қонун лойиҳасини биринчи ўқишда қабул қилди, деб хабар беради «Азаттик уналгиси».
Қонун лойиҳасининг мақсади давлат тилини қўллашнинг ҳуқуқий асосларини ўрнатиш ва тил сиёсатини амалга оширишдан иборат. Энди қирғиз тили давлат органлари учун ишчи тилга айланади.
Ушбу ҳужжатда айтилишича, Қирғизистонда давлат ҳокимияти «давлат тилида, зарур ҳолларда эса расмий тилда» ишлаши керак».
Давлат муассасаларида зарурат юзага келган тақдирда ишчилар бошқа тиллардан фойдаланиши мумкин.
Қирғизистон парламентига, шунингдек, қирғиз алифбоси ва орфоэпия қоидаларини тасдиқлаш ҳуқуқини бериш таклиф этилмоқда.
Бундан ташқари, топонимик номларни давлат тилида расмийлаштириб, уларни расмий ҳужжатларда ва ОАВларда транслитерация ёрдамида ифодалаш таклиф қилинмоқда.
Рус тили Қирғизистонда расмий мақомга эга бўлиб, аҳолининг қарийб ярми шу тилда сўзлашади.
Аввалроқ Қирғизистон президенти Садир Жапаров амалдорларни рус тилида ҳужжат юритаётгани учун танқид қилган эди. Жапаровнинг таъкидлашича, қирғиз давлат хизматчилари ҳужжатларни фақат рус тилида юритиши нотўғри. «Ҳужжат юритишда давлат тилининг улуши камида 50 фоизни ташкил этиши керак», — деди президент.
Мавзуга доир:
- Видео: Қирғизистон парламенти спикери экология вазирига рус тилида маъруза қилишга рухсат бермади
- Россия Давлат думасида Қирғизистондаги туманларнинг рус тилидаги номини ўзгартириш оқибати айтилди
- Россия ташқи ишлар вазири Қирғизистонни рус тилида сўзлашувчиларга қарши миллатчиликка чора кўришга чақирди
Изоҳ (0)