Эрон ҳукумати март ойида Россиядан Су-35 қирувчи самолётлари, шунингдек, ҳаво ҳужумидан мудофаа тизимлари, ракета комплекслари ва вертолётлар олишни режалаштирмоқда. Бу ҳақда Эроннинг Tasnim агентлиги парламентнинг миллий хавфсизлик ва ташқи сиёсат комиссияси аъзоси Шаҳриёр Ҳайдарийга таяниб хабар берди.
Ҳайдарийнинг таъкидлашича, Су-35 тахминан март ойининг охирида Эронга етказиб берилади. Самолётлардан ташқари Эрон Россияга бошқа ҳарбий техника, жумладан, ҳаво ҳужумидан мудофаа тизимлари, ракета комплекслари ва вертолётларга буюртма берган. Ушбу техникаларнинг аксарияти тез орада келиши керак.
Аввалроқ оммавий ахборот воситалари Эрон 24 та тўртинчи авлод қўшалоқ двигателли қирувчи самолётларини олиши ҳақида хабар берганди.
Сўнгги йилларда Теҳрон бирорта ҳам янги қирувчи олмаган, бир нечта рус МиГ-29 қирувчиларини эса 1990 йилларда сотиб олганди.
Қайд этилишича, Эрон ва Россия яқинда иқтисодий, савдо, энергетика ва ҳарбий ҳамкорликни кучайтиришга қаратилган йирик келишувларни имзолаган.
Изоҳ (0)