Вақт ҳеч кимни аямайди, дейишади, лекин Голливуднинг баъзи юлдузларини томоша қилиб, бунга ишониш қийин. Йиллар ўтса-да, айрим машҳурлар ҳали ҳам ўн йил аввалгидек ёш ва чиройли. Бунинг сири Оскар Уайлднинг романидаги каби сирли портретда эмас, балки ажойиб генетика, малакали шахсий парвариш ва гўзаллик мутахассисларининг ажойиб ишларида бўлса керак.
Сандра Буллок
57 ёшли «Оскар» мукофотига сазовор бўлган актриса ўзининг гўзал қомати ва юзи билан фахрланади. Юлдуз ажойиб жисмоний формада ва оммавий ахборот воситаларида кўп «порламасликка» ҳаракат қилиб, тўлақонли ҳаёт кечиради. Кўпчилик юлдуз пластик операция қилдирган дейишига қарамай, у деярли уларга мурожаат қилмаган деб айтиш мумкин. Актриса кўп йиллар олдин ринопластика қилдирган бўлиши мумкин, аммо бу фикр ҳали ҳам савол остида.
Шуни таъкидлаш керакки, Сандра косметик муолажалардан тўғри фойдаланишни билади: аппарат усуллари, пилинг, ботулотоксин ва филер инъекциялари. Терининг соғлом порлаши, лаблар ва ёноқларда тўғри ҳажмларнинг мавжудлиги буни аниқ тасдиқлайди. Шу билан бирга, актриса юзидаги ажинлар унинг юзини ҳайкалга айлантирмасдан «жонли» қилади. Ушбу ёндашув билан, актриса яна ўн йилдан кейин ҳам ўзининг ёш кўриниши билан ҳайратда қолдиради.
Энн Хетеуэй
Ажойиб генетиканинг яна бир бахтли эгаси — миллионлар томонидан севилган «Қаттиққўл хоним» фильми юлдузи Энн Хетеуэй. 40 ёшида ҳам у пластик жарроҳларнинг ёрдамини рад этди. У кўзларнинг табиий равишда осилган ташқи бурчакларини тузатмади, бурун шаклини ўзгартирмади.
Бироқ у терини парвариш қилишда жуда эҳтиёткор. Пешона соҳасига ботокс инъекциялари, филер моддалари, плазмали лифтинг — булар, эҳтимол, унинг гўзаллигини сақлайдиган усуллардир. Юлдуз ёшга боғлиқ баъзи ўзгаришларни бошдан кечирмоқда, аммо унинг териси намланган ва соғлом кўринади.
Жаред Лето
Юлдузлар рўйхатимиздаги яна бир «қаримайдиган» мусиқачи ва актёр Жаред Лето. Мухлислар ҳатто уни вампир тишлаб олгани ва энди у абадий ёш бўлиб қолгани ҳақида ҳазиллашади. Летонинг ўзи, вегетарианизм ва спорт яхши ҳолатда бўлишига ёрдам беришини айтади. Масалан, 51 ёшида мусиқачи тоққа чиқишда фаол иштирок этади. Шу билан бирга, ажинларнинг йўқлиги, масалан, пешона соҳасида, ботокс инъекциясининг натижаси эканлигини ва терининг умумий ранги плазмолифтинг ва биоревитализация каби процедуралар ёрдами биланлигини истисно қилмайди.
Лив Тайлер
Гўзал Лив Тайлерга қараб,унинг 45 ёшда эканига ишониш қийин. Шу билан бирга, юлдузни уч нафар боланинг онаси деб айта олмайсиз ҳам.
Ливнинг сўзларига кўра, у ҳар ойда бир марта косметологининг ниқоблар ва юз массажидан фойдаланган ҳолда уч босқичли (тозалаш, тетиклаштириш, намлаш) кўринишида уй шароитида юзини парвариш қилади. Юлдузнинг турли йиллардаги фотосуратларига қараб, ҳар қандай филер ёки бошқа турдаги операциялардан фойдаланиш сезилмайди, у деярли ҳеч нарсани яширмайди. Тайлер эса спорт залида машғулотлар ва балет дарслари ёрдамида ўз вазнини назорат қилади.
Уилл Смит
Афсонавий «Хенкок» – Уилл Смит ҳозир 54 ёшда, лекин у ажойиб формада. Унинг фотосуратларини кўриб, Уилл Смитнинг ташқи кўриниши йиллар давомида деярли ўзгармаганини пайқаш қийин эмас. Бир нечта ажинлар пайдо бўлганини сезиш мумкин, аммо умуман олганда терининг ҳолатини идеал дейиш мумкин. Юлдузнинг сўзларига кўра, унинг ўзи бунинг учун ҳеч нарса қилмайди — у фақат соғлиғини диққат билан кузатиб боради ва фаол ҳаёт тарзини олиб боради, спорт машқлари ва югуришни афзал кўради.
Мавзуга доир:
Изоҳ (0)