Ўзбекистонда 2022 йилда тадбиркорларга нисбатан қарийб 21 мингта қонун бузилиш ҳолатлари содир этилди

АОКАда ўтказилган брифингда Бизнес-омбудсман ахборот хизмати раҳбари Жамшид Ҳасанов 2022 йилда тадбиркорларнинг ҳуқуқларини ҳимоя қилиш борасида Бизнес-омбудсман томонидан амалга оширилган ишлар ҳақида маълумот берди.

Қайд этилишича, тадбиркорларга нисбатан содир этилган 20 928 та қонун бузилиши ҳолатлари юзасидан 2 591 та таъсир чораси қўлланилган. Шундан 2 126 нафар мансабдор ва масъул шахсларга нисбатан маъмурий ҳуқуқбузарлик тўғрисидаги баённомалар расмийлаштирилган ва 5,1 миллиард сўм жарима қўлланилган.

Маъмурий ҳуқуқбузарликларга оид ишларнинг хусусиятлари бўйича тўхталадиган бўлсак:

• 797 та ҳолатда жисмоний ва юридик шахслар мурожаатлари тўғрисидаги қонун ҳужжатларини бузиш;
• 675 та ҳолатда тадбиркорлик субъектлари фаолиятини текшириш;
• 414 та ҳолатда давлат хизматлари кўрсатиш соҳасидаги қонун ҳужжатларини бузиш;
• 240 та ҳолатда бошқа ҳуқуқбузарликларга тўғри келади.