Ҳеч кимга сир эмаски, об-ҳавонинг кескин даражада совиб кетиши кўплаб муаммоларга сабаб бўлмоқда. Шунинг учун ҳар қандай об-ҳавода кўчага чиқишга тайёр бўлиш ва касал бўлмаслик учун иссиқ кийимларни тўғри кийишни билиш керак, деб ёзади «Новий очаг».
Совуқ ҳавода қават-қават кийиниш керак. Аёз қанчалик кучли ва ташқарида бўлиш вақти узоқ бўлса, шунчаки, футболка, иссиқ шим ва шарфнинг ўзи етарли эмас.
Асосий қатлам
Биринчи қатлам термал ички кийим бўлиб, совуқ ҳавода бу қишки гардеробнинг энг муҳим қисмидир. Бугунги кунда юқори технологияли синтетик матолар жуда кўп афзалликларга эга. Синтетика намликни сўриб олади ва кейинги кийимнинг қатламига сўрилади.
Термал ички кийимни бир жуфт леггинс ва енги узун иссиқ кўйлак билан алмаштириш мумкин. Кийимнинг асосий қатлами ҳаракатга халақит бермаслиги, ҳаракатни чекламаслиги ва ҳеч қандай жойни қичиштирмаслиги муҳимдир.
Аммо пахта совуқ об-ҳаво учун яхши фикр эмас, чунки у яхши ҳимоя қилмайди, айниқса нам бўлса. Агар фаоллик кучли бўлса, терлагандан сўнг кийимларда намлик сақланиб қолади. Натижада совқотиш юзага келади.
Иссиқлик изолятори
Асосий қатламдан кейин изоляцион қатламга эга бўлиш керак, бунда иссиқлик изолацияси ва айни пайтда намлик буғланиши таъминлаши лозим. Яъни биринчи қатлам намликни иккинчисига ўтказса, иккинчиси уни ташқарига чиқариб ташлаши керак, лекин иссиқликни йўқотмаслиги жуда ҳам муҳим. Бу буғ молекулаларининг бир вақтнинг ўзида ўтиши ва иссиқликни ушлаб туришига имкон берувчи махсус материаллар билан таъминланади.
Устки қатлам
Учинчи қатламни кийиш ташқи таъсирлардан ҳимоя қилиши керак: шамол, қор, ёмғир ва ҳоказо. Булар махсус мембрана сингдирилган ташқи кийим бўлиб, улар сув томчиларини ўтказмайди. Натижада, танадан намлик барча қатламлардан кийим орқали ўтади.
Ҳаддан ташқари совуқ шароитлар учун энг яхши вариант: куртка ва шим бўлиб, улар икки қатламдан иборат бўлади. Ички қисми пар, устки қисми сув ва шамол ўтказмайдиган матодан тикилади.
Оёқ ва қўлларни иссиқ тутинг
Нима кийишдан қатъий назар, оёқ, қўллар ва бош орқали иссиқликни йўқотмаслик керак. Фақат оёқлар эмас, балки тўпиқлар ҳам иссиқ бўлиши лозим. Шунинг учун калта шим ва кўйлаклардан воз кечиш тавсия этилади. Улар туфайли оёқ-қўллардаги микроциркуляция камаяди. Организмнинг ёпиқ қисмлари ва очиқ қисмлари ўртасида ҳарорат фарқи юзага келади. Натижада нафақат тери, балки бўғимлар ҳам совқотади, бу эса тўқималарда яллиғланиш жараёнларига олиб келиши мумкин.
Энг яхши вариант — ичи мўйнали сув ўтказмайдиган ва шамолга чидамли матодан тикилган қўлқоплар. Табиий материалларли қўлқоплар, гарчи қулай бўлса-да, совуқдан қутқармайди.
Ярим ўлчамга катта пойабзал кийинг
Муҳим омил — бу пойабзалнинг ўлчами. Оёқ кийим кенгроқ бўлиши керак. Бармоқлар қимирлай олмаса, оёқлар иссиқ этикда ҳам тезда музлаб қолади, сўнгра қон айланиши бузилади. Пойабзал учун энг яхши изоляциялардан бири бу тинсулейтдир. Патаклар ҳам муҳим рол ўйнайди, у намликни ютади ва оёқлар қуруқ қолади. Пойабзал қалин, аммо резина бўлмаслиги лозим, чунки резина тагликли пойабзаллардан тез совуқ ўтади.
Тўғри бош кийим танланг
Аёз учун юпқа бош кийим мос келмайди. Қулоқлар ва бўйиннинг орқа қисмини қоплайдиган иссиқ қалпоқ кийиш лозим. Совуқ ва ҳароратнинг ўзгариши соч фолликулаларига зарар етказади. Ёноқ ва иякларни шарф билан ҳимоя қилиш мумкин.
Совуқда шарф ёки қўлқоп орқали нафас олманг
Иссиқ тутиш учун оғиз ва бурунни қўлқоп ёки шарф билан ёпмаслик лозим. Бир неча дақиқадан сўнг ҳаво намлиги кўтарилади, шарф ва юз намланади, натижада юзнинг териси янада кўпроқ совийди.
Изоҳ (0)