Мукаммал образ ҳақида гап кетганда, мутахассислар ҳар доим «урф», «чиройли», «замонавий», «қиммат» тушунчаларини баҳам кўради. Бу хусусиятлар уйғун тарзда бирлаштирилиши ёки бир-бирига зид бўлиши мумкин. Wday нашри бу борада аёллар учун фойдали бўлган лайфхаклар билан бўлишди.

Ўлчами мос кийимлар

Бу жуда муҳим! Танланган кийим қимматбаҳо кўринишнинг ўзига хос белгиларидан биридир. Агар юбка ёки блузка кичкина, тор бўлса, бурмалар ҳосил қилса, бу ҳатто энг қиммат кийимнинг ҳам кўринишига путур етказиши мумкин.

Принт

Принтли либослар бежирим бўлиши учун аввало, қоматни инобатга олиш керак. Озғин ва бўйи узун аёллар учун йўлак-йўлак ва катта нақшли либослар айни муддао. Тўладан келган хонимлар эса аксинча, майда гулли тўқ рангдаги кийимларни танлаши лозим.

Ғижимланмайдиган мато

Чиройли образ яратишда матоларнинг ҳам аҳамияти катта. Масалан, тез ғижимланадиган матолардан тикилган либослар ҳар қандай жойда муаммо туғдириши мумкин. Шунинг учун образ яратишда матоларнинг ушбу хусусиятини инобатга олиш зарур.

Ранг

Либос танлашда яна бир муҳим жиҳат шундаки, рангларнинг уйғунлиги. Ранг нафақат деталларга, балки либос эгасига ҳам мос тушиши ҳам керак. Бунинг учун мутахассислар, албатта, ёрдам беради.

Пойабзал ва аксессуарлар

Қишда тўқ рангли моделлар ёрқин ранглардан қимматроқ кўринади. Шунингдек, қизки образ яратишда пойабзал ва сумка ёки бошқа аксессуарни уйғунлаштириш мумкин.

Безакциз кийимлар

Бу гардеробдан фақат расмий либослар ўрин олиши керак дегани эмас. Образ яратишда олтин ўрталикни ҳисобга олиш зарур. Бу ташқи кўринишни бачканаликдан сақлайди. Масалан, безакли ялтироқ кофтани оддий бичимдаги юбка билан бирлаштириш мумкин.

Ипак блузка

Ипак блузка жозибадорлик ва нафислик бахш этади. Қолаверса, гардероб учун ажойиб сармоя.

Оқ ёки кул ранг костюм ва шим

Ушбу комбинация ҳеч қачон урфдан қолмаслиги аниқ. Нейтрал кул ранг ҳар доим трендда ва ҳар қандай ранглар билан бирлаштирилиши мумкин.

Пальто

Қишки гардероб учун энг керакли ва фойдали кийим. Қаймоқ ёки қора рангдаги пальто ҳар қандай жой учун мос келади. Қолаверса, тўладан келган ёки озғин аёллар учун ҳам айни муддао.

Тренч

Қимматбаҳо образ яратишга ёрдам берадиган яна бир классик кийим. У ҳамма нарсага мос келади ва унинг турли моделдагиларини харид қилиш мумкин.

Сумка

Сумка, албатта, мавсумга қараб танланиши зарур. Қиш учун кўпроқ тўқ рангли қаттиқ материалдан ишланган сумка модели тавсия этилади. Ушбу хусусиятга эга сумкалар кир бўлмайди.

Соч турмаги

Кўпчилик узун сочни яхши кўради. Аммо уни парвариш қилиш осон эмас. Шунинг учун қуруқ, гуллаган рангсиз сочлар ташқи кўринишга путур етказади. Аксинча яхши соч турмаги образни бутунлай ўзгартиради.

Маникюр

Ҳар йили мутахассислар томонидан тавсия этиладиган маникюр ғоялари замонавий образ яратишга ёрдам беради.

Соғлом кўриниш

Бренд ёки нархга боғлиқ бўлмаган нарса: териси яхши қўллар, ёрқин сочлар, соғлом тишлар ва ҳуснбузарсиз юз териси. Бунинг учун гардеробдан ташқари саломатликка алоҳида эътибор қаратиш тавсия этилади.