Ҳаммаси севимли сумкани харид қилиш билан тугаб қолмайди. Энг муҳим жараён ушбу деталлдан тўғри ва узоқ муддат давомида фойдаланиш. «Новий очаг» нашри бу борада аёлларга ёрдам берадиган лайфхаклар билан бўлишди.
Ҳафтада бир марта сумкани совунли сув билан артиш
Бунинг учун бироз суюқ совунни илиқ сув билан аралаштириб, юмшоқ мато билан сумканинг ташқи қисмини ҳосил бўлган аралашма билан артиб олиш лозим. Шу орқали бутун ҳафта давомида йиғилган чанг ва кирни олиб ташлаш мумкин.
Сумкадаги намликни тозалаш
Сумкалар юзасини сув таъсирида ёмонлашишига йўл қўймаслик лозим. Тозалаш учун нам салфетка, сирка ёки бошқа кучли воситаларидан фойдаланиш тавсия этилмайди. Бу маҳсулотларнинг барчаси агрессив кимёвий таркиб билан ажралиб туради, натижада улар рангни бузиши, терини қуритиши ва бошқа кўплаб нохуш муаммоларни келтириб чиқариши мумкин.
Доғларни тозалаш учун махсус хизматлардан фойдаланиш
Сумка юзасидаги доғлар совунли сув билан чиқмайдиган бўлса, уни кимёвий тозалаш марказига олиб боришдир. Агар вазият шундай бўлса, кўрсатмаларни диққат билан ўрганиб чиққандан тозалаш жараёнини амалга ошириш мумкин.
Сумканинг шаклини сақлаб қолиш
Буни қилиш жуда осон — шунчаки эски футболкаларни сумка ичига жойлаш мумкин. Аммо газета ва журнал саҳифаларини жойлаш унинг бўёғини сумка астарда из қолишига сабаб бўлиши мумкин.
Ёғли доғларни сув билан ювмаслик
Уларни сумканинг тери юзасидан юмшоқ ва қуруқ мато билан артиб кўриш тавсия этилади.
Махсус парваришлаш воситаларидан фойдаланиш
Махсус парваришлаш воситаларидан фойдаланишдан олдин кўрсатмалар билан яхшилаб танишиб чиқиш лозим. Чунки бундай воситалар ҳам арзон бўлмайди, қолаверса, сумкага ҳам зарар етказмаслик лозим.
Муайян чарм турига мўлжалланган маҳсулотлардан фойдаланиш
Сабаби замш ва чарм учун мўлжалланган маҳсулотларнинг таркиби бир хил эмас. Тўғри парвариш қилиш маҳсулотларини танлаш сумкалар учун муҳимдир.
Ишлатишдан олдин ҳар доим маҳсулотни синаб кўриш
Буни сумканинг кўринмайдиган ички қисмида амалга ошириш мумкин.
Қўл кремини суртгандан кейин сумкага тегмаслик
Акс ҳолда ёғли доғларни тозалаш учун кейинги харажатлар пайдо бўлади.
Чанг ҳақида унутмаслик
Сумкалардан фойдаланмаган ҳолда ҳам чанг ва кирдан сақлашни инобатга олиш керак. Бу ҳам сумканинг дизайни ва материалига боғлиқ.
Тасма ва шарфлардан фойдаланиш
Тасмалар нафақат декоратив функция, балки тутқичларни кир бўлишдан ҳам ҳимоя қилади. Доимий равишда сумканинг тутқичларини тасма ва шарфлар билан ўраш шарт эмас, лекин вақти-вақти билан бу аксессуар тери юзасига дам беради ва шу билан бирга дизайнга янгилик киритади.
Сумкани тўғридан-тўғри қуёш нури остида қолдирмаслик
Қуёш рангнинг ўзгаришига ва ҳатто сумканинг юзасига зарар етказиши мумкин.
Тўқ рангли кийимлар билан очиқ рангли сумкалар тақмаслик керак. Кийим ишлаб чиқаришда ишлатилган бўёқ сумкада доғ қолдириши мумкин. Уларни тозалаш ҳатто профессионаллар учун ҳам осон бўлмайди.
Юмшатувчи совун ёки пойабзал лакларидан фойдаланиш
99,9 фоиз имконият билан бундай маҳсулотлардан фойдаланиш сумкага зарар етказади.
Ёмон ҳидлар учун атир ва аэрозоллардан фойдаланиш
Агар сумкадан ёмон ҳид чиқса, унинг сабабини аниқлашга ҳаракат қилиш лозим. Қолаверса, қуруқ тозалаш ҳам ёрдам бериши мумкин, аммо сумкага атир ва аэрозолларни сепиш тавсия этилмайди.
Ёқимсиз ҳиддан қутулиш учун қабартмадан фойдаланиш
Нохуш ҳидларга қарши курашда қабартма ёрдамга келади. Очилган қабартма сумка ичига солинади, кейин у 24 соатга қолдирилади. Ушбу қоидалар сумканинг узоқ вақт хизмат қилишига ёрдам беради.
Изоҳ (0)