Биткоин яралганига 14 йил бўлди: криптовалюта нархи FTX банкрот бўлгандан бери биринчи марта 19 минг доллардан ошди

Биткоин 19 000 долларга яқин сотилмоқда, бу FTX крипто биржаси банкрот бўлган — ноябрь ойининг бошидан бери энг юқори кўрсаткич. 

CoinDesk порталида маълумотларга кўра, Тошкент вақти билан 13 январь, соат 19:10 га келиб биткоин нархи 18 900 доллар атрофида бўлиб турибди. 

Сўнгги 24 соат ичида дунёдаги энг йирик криптовалюта 19,1 минг долларгача баҳоланди. Бу 2022 йилнинг ноябрь ойидан бери энг юқори кўрсаткич. 

Ўшанда FTX криптобиржаси банкротлиги ортида кўплаб криптобиржалар қаторида криптовалюталар ҳам жиддий зарар кўрган эди. Биткоин ҳам шундан кейин 16 минг доллардан ҳам пастлаган эди. 

Кун давомида иккинчи энг машҳур криптовалюта эфир нархи деярли 18 фоизга ошиб, айни пайтда 1 400 доллар атрофида бўлиб турибди. 

Бозор АҚШнинг макроиқтисодий маълумотлари билан қўллаб-қувватланди, бу эса инвесторларнинг АҚШ Федерал резерв тизими (Фед) асосий ставка ўсишини секинлаштиришига ишончини кучайтирди. Бироқ, бозор иштирокчилари криптовалюталар қийматининг янада ўсишини кутмаяпти.

Экспертлар рақамли валюталарнинг тикланиши Федъга нисбатан пул-кредит сиёсатини янада қатъийлаштириш ҳақидаги қўрқувнинг камайиши билан боғлиқ, дея таъкидламоқда. 

Бунга мамлакатдаги янги иш ўринлари ва истеъмол нархлари ҳақидаги сўнгги маълумотларнинг эълон қилиниши ёрдам берди.

Декабрь ойида АҚШ иқтисодиётида иш ўринлари сони 223 мингтага ошган. Таҳлилчилар эса атиги 203 мингта ўсишни кутган эди.

11 январь куни биринчи биткоин транзакцияси юборилганига 14 йил тўлди. 2009 йилнинг айнан шу санасида Сатоши Накамото тахаллусли криптограф компьютер олими Хел Финнига 10 биткоин (БТC) юборганди.