Дунёнинг энг бой крипто миллиардерлари март ойидан бери 116 млрд доллар йўқотди

Дунёдаги энг бой крипто миллиардерлари март ойидан бери жами 116 миллиард долларга яқин шахсий бойликларини йўқотган. Бу ҳақда Forbes хабар бермоқда.

Қайд этилишича, криптовалютадан бойлик орттирган 17 та энг бадавлат миллиардердан 15 таси бойликларининг ярмидан кўпини йўқотган. Мартдан бошлаб тўққиз ой ичида крипто миллиардерларнинг бойлиги тахминан 116 миллиард долларга камайди. 

Binance биржаси асосчиси ва бош директори Чангпенг Чжао баҳорда Forbes талқинига кўра дунёнинг энг бой крипто миллиардери эди. Март ойидан бери тадбиркорнинг бойлиги 65 миллиард доллардан 4,5 миллиард долларгача камайди. 

Forbes USA нашрининг қайд этишича, Чжао Сем Банкмен-Фриднинг FTX криптобиржаси қулаши оқибатлари туфайли бойлигини йўқотган.

АҚШнинг энг йирик криптовалюта биржаси бўлган Coinbase асосчиси Брайан Армстронг март ойидан бери 4,5 миллиард доллар йўқотди. 

Gemini крипто биржасига асос солган ака-ука Тайлер ва Кемерон Уинклевосс ҳар бири 2,9 миллиард доллардан йўқотди — энди уларнинг бойлиги 1,1 миллиард долларга баҳоланмоқда. 

Ripple блокчейн компанияси асосчиси ва ижрочи раиси Крис Ларсен бойлигининг деярли ярмини йўқотди — 4,3 миллиард доллардан 2,1 миллиард долларга.

Бундан ташқари яна ўн нафар крипто миллиардер ушбу мақомини йўқотди. 

Рўйхатдаги ўн киши миллиардер мақомини йўқотди, уч кишининг бойлиги нолга қисқарди. Бу:

Крипто саноатидаги сўнгги муаммоларнинг асосий сабаби Сам Банкман-Фриднинг FTX крипто биржасининг қулаши бўлди. 

Собиқ миллиардер 13 декабрь куни Багама оролларида ҳибсга олинган, бироқ 22 декабрь куни рекорд даражадаги 250 миллион доллар гаров эвазига ҳибсдан озод этилган.