Хакерлар 2022 йилда 3,5 миллиард долларлик криптовалюталарни ўғирлади

Slowmist Hacked ва Атлас VPN тадқиқотчиларининг маълумотларига кўра, 2022 йилда хакерлар томонидан турли блокчейн платформаларидан ўғирланган криптовалюта миқдори 3,5 миллиард долларни ташкил этган.

Маблағларнинг катта қисми — 92 та ҳужумда 2 миллиард доллар — Binance Смарт Chain (БСC) экотизимидан ўғирланган. 

Бошқа барча криптолойиҳалар ва платформаларга 48 та ҳужум уюштирилган, улар давомида 370 миллион доллар ўғирланган. NFT’да 57 та ҳужум содир этилган. Бу орқали сегмент жами 90 миллион доллар йўқотди.

Тадқиқотчиларнинг таъкидлашича, улар ўтган йили FTX крипто биржасининг банкротлиги натижасида кўрилган йўқотишларни ҳисобга олмаган, чунки аниқ миқдор ҳали ҳисоблаб чиқилмаган.

Ҳисобот муаллифларининг таъкидлашича, крипто бозоридаги умумий секинлашувга қарамай, ўтган йили блокчейн технологияларининг кенг тарқалиши туфайли ҳужумчилар жуда фаол бўлган. 

2022 йилда бутун бозорда жами 301 та ҳужум рўй берди, бу 2021 йилга нисбатан 27 фоизга кўп. Бундан ташқари, ўтган йилнинг иккинчи ярмида хакерлик ҳужумлари сони нисбатан камайганига қарамай, уларнинг умумий сони йил давомида рекорд кўрсаткични ташкил этди.

Аввалроқ Дунёнинг энг бой крипто миллиардерлари март ойидан бери 116 млрд доллар йўқотгани ҳақида хабар берилган эди.