Испаниялик мутахассис Роберто Мартинес Португалия терма жамоаси бош мураббийи этиб тайинланди.
Мартинес Португалия тарихидаги учинчи чет эллик мураббийга айланди. Бунга қадар бразилияликлар Отто Глория ва Луис Фелипе Сколари португалларни бошқариб борган.
Глория 1964—1966 ва 1982–1983 йиллар давомида терма жамоада ишлаган. Унинг қўл остида жамоа ЖЧ—1966 да бронза медалига сазовор бўлган.
Сколари эса Португалияда 2003—2008 йиллар давомида ишлаган. У билан «Европа Бразилияси» Евро—2004 да кумуш медалини қўлга киритган, ЖЧ—2006 да тўртинчи ўрин бўлган.
Изоҳ (0)