«Атлетико» ҳужумчиси Жоау Феликс фаолиятини «Челси»да давом эттиради.
The Athletic нашрининг хабар қилишича, португалиялик футболчи ижара асосида Лондон клубига йўл олади, томонлар бу борада оғзаки кўлишувга эришган. «Кўклар» ижара учун 11 миллион евро тўлайди.
Қайд этилишича, ижара вақтида Феликснинг маошини «Челси» қоплаб беради. Бу 5,3 миллион еврони ташкил қилади.
«Челси» келишувга Феликсни сотиб олиш ҳуқуқини қўшишни истаган, бироқ Мадрид жамоаси бунга рози бўлмаган.
Феликснинг хизматларига «Арсенал» ва «Манчестер Юнайтед»дан ҳам қизиқиш бўлган. Жоаунинг ўзи «Челси» вариантини маъқул кўрган.
23 ёшли футболчи жорий мавсум Ла Лигада 14 ўйин ўтказиб, 4 гол ва 3 та голли узатма муаллифига айланди.
Изоҳ (0)