«Барселона» ва «Атлетико» ўртасидаги Ла Лига ўйинида (1:0) ҳар икки жамоа футболчилари Ферран Торрес ва Стефан Савич ўртасида жанжал содир бўлганди.
Учрашувга қўшиб берилган вақтда Торрес ва Савич ўзаро тўқнашувдан кейин жанжаллашиб кетганди. Шундан кейин бош ҳакам Хосе Мунуэро Мартеро ҳар икки футболчига қизил карточка кўрсатганди.
Ушбу ҳолат сабаб футболчилар узоқ муддатли дисквалификацияга учраши мумкин. Испания футбол федерация бу ҳолатни ўрганишни бошлаган.
Агар Савич ва Торреснинг ҳаракатларида агрессия борлиги аниқланса, дисквалификация 4 дан 12 та ўйингача бўлиши мумкин. Бироқ вазият ўйиндаги эпизод сифатида баҳоланса, у ҳолда дисквалификация учта ўйиндан ошмайди.
Изоҳ (0)