Истеъмолчилар ҳуқуқларини ҳимоя қилиш агентлиги уй ва хонадонларда қулай ҳароратни сақлаб турган ҳолда, иситиш харажатларини қандай қилиб тежаш мумкинлиги ҳақида тавсиялар берди.
Қулай ҳароратни сақлаб турган ҳолда, иситиш харажатларини тежаш учун:
- иситиш радиаторларида кийимларни қуритманг. Бу радиаторлар ишлаб чиқарадиган иссиқлик миқдорини камайтиради;
- мебелни радиаторлардан узоқроқ жойланг. Юмшоқ мебелдаги серковак (пенопласт) жуда кучли иссиқлик изолатори бўлиб, хона исишига тўсқинлик қилади;
- Қуёш чиққанда, пардаларни очинг ва Д витаминини хонага киритинг. Қуёш нури уйингизни табиий равишда иситиши мумкин;
- тирқиш ва дарчаларни тўлдиринг. Девор, дераза, шифт, ешик, чироқ ва розеткаларни ҳаво сирқиб чиқиб кетишини текширинг. Тешиклар йўқлигини аниқланг;
- иссиқ сув учун иссиқлик изоляцияланган сув сақлаш танкларидан фойдаланинг. Бундай қурилмаларда иситилган сув узоқ вақт совимайди ва уни тез -тез иситишга ҳожат туғилмайди;
- иситиш жараёнини автоматлаштириш. Замонавий газ иситиш тизимларида ёнилғи таъминотини тартибга солувчи қурилмалар – қозон (танк) автоматизацияси бўлиши шарт. Бундай тизим уйнинг ташқарисида ва ичидаги ҳаво ҳарорати сенсорларини ўз ичига олади. Ташқи ҳарорат ўзгарганда, бу қурилмалар тартибга солиш тизимига сигнал юборади ва иситиш қозонидаги газ оқими ошади.
Изоҳ (0)