Уэльслик футболчи Гарет Бэйл фаолиятини якунлади. Бу ҳақида унинг ўзи Twitter саҳифасида маълум қилди.
Бэйл 2006/07 йилги мавсумда Европа футболидаги фаолиятини «Саутҳэмптон»да бошлаган эди. 2007 йилда «Тоттенҳэм» сафига ўтиб, кейинги 6 йил давомида «шпорлар» шарафини ҳимоя қилган.
2013 йилда эса «Реал» сафига ўтган. 2020 йилга қадар Мадрид клуби шарафини ҳимоя қилган вингер шундан сўнг «Тоттенҳэм»га ижара асосида ўтди.
2022 йилда эса Гарет «Лос-Анжелес» билан шартнома имзолаб, жамоа сафида 13 та ўйинда 3 та гол урган. 33 ёшли футболчи ЖЧ—2022 дан сўнг Уэльс терма жамоасидаги фаолиятини якунлаган эди.
Уэльслик футболчи фаолияти давомида Мадрид клуби билан 5 марта Чемпионлар Лигасида, 4 марта клублар ўртасидаги ЖЧда, 3 марта Ла Лигада, 2 марта Европа Суперкубогида, бир мартадан Испания Суперкубоги ва Испания Кубогида зафар қучган.
Изоҳ (0)