IFFHS талқинига кўра 2022 йилнинг энг яхши клуб ва терма жамоа мураббийлари аниқланди

Халқаро футбол тарихи ва статистикаси федерацияси (IFFHS) талқинига кўра Аргентина терма жамоаси бош мураббийи Лионель Скалони 2022 йилнинг энг яхши терма жамоа мураббийи деб топилди.

Аргентинани ЖЧ—2022 да ғолибга айлантирган мутахассис 24о очко жамғарди. Иккинчи ўринни Франция терма жамоаси бош мураббийи Дидье Дешам (45 очко), учинчи ўринни эса 30 очко билан Марокаш терма жамоаси устози Валид Реграги эгаллади.

Златко Далич (Хорватия) ва Ҳадзиме Мориясу (Япония) кучли бешликни якунлаб берди.

Шунингдек IFFHS талқинига кўра Карло Анчелотти 2022 йилнинг энг яхши клуб мураббийи деб топилди.

«Реал» бош мураббийи 2022 йилда жамоа билан бирга Ла Лига ва Чемпионлар Лигасида ғалаба қозонди. Шунингдек, йилнинг энг яхши мураббийи дея эътироф этилди. Қайд этиб ўтиш жоиз, Анчелотти фаолиятида учинчи бор ушбу совринни қўлга киритмоқда.

Овоз бериш натижаларига кўра иккинчи ўринни «Манчестер Сити» устози Пеп Гвардиола эгаллади. Учинчи ўрин эса Марокаш терма жамоаси бош мураббийи Валид Реграгига насиб этди. Мутахассис 2022 йилда «Видад» клуби билан Марокаш чемпионати ва КАФ Чемпионлар Лигасида зафар қучди.

Йилнинг энг яхши терма жамоа мураббийлари ичида учинчи ўринни эгаллаган Реграги IFFHS да иккита йўналишда кучли учликка кира олган илк мураббийга айланди.

«Ливерпуль» бош мураббийи Юрген Клопп эса рўйхатда 4-ўринни банд этди.