Бразилиянинг собиқ президенти Жаир Болсонару АҚШда касалхонага ётқизилди, деб хабар бермоқда Бразилиянинг Globo телеканали.
Globe маълумотларига кўра, Болсонару ҳозир Флорида штатининг Орландо шаҳридаги AdventHealth Celebration касалхонасида. У қорин соҳасидаги кучли оғриқлар туфайли шифохонага ётқизилган.
Globo собиқ президентнинг соғлигидаги муаммолари 2018 йилда унинг пичоқлангани билан боғлиқлигини тахмин қилди. Телеканал маълумотларига кўра, 2022 йилнинг январь, март ва ноябрь ойларида ҳам у худди шу муаммо туфайли касалхонага ётқизилган.
2018 йилда Жаир Болсонаруга сайловолди кампанияси вақтида пичоқ билан ҳужум қилишган. У қорнидан яраланган, ичакларга зарар етган. Шундан сўнг Болсонару бир нечта операцияларни бошдан ўтказди, улардан баъзиларининг ҳужумга алоқаси йўқ эди.
Эслатиб ўтамиз, 2023 йил 8 январь куни, Бразилиянинг янги президенти Луис Инасиу Лула да Сильванинг инаугурациясидан бир ҳафта ўтиб Жаир Болсонару тарафдорлари мамлакат пойтахти Бразилиядаги президент саройига бостириб кирди. Минглаб намойишчилар ҳукумат бинолари олдидаги тўсиқларни бузиб ўтиб, полиция билан тўқнашди. 1,5 мингдан ортиқ одам ҳибсга олинди.
Изоҳ (0)