Virgin Orbit компанияси элтувчи ракетани учиришда муаммолар (аномалиялар) юзага келганини маълум қилди, у тўққизта сунъий йўлдошни орбитага олиб чиқиши керак эди. Бу Буюк Британия ҳудудидан амалга оширилган тарихдаги биринчи космик қурилма парвози бўлди. Носозликлар туфайли ракета орбитага чиқа олмади.
Virgin Orbit аномалия ҳақидаги ахборотни ўрганаётганини маълум қилди.
Космик қурилмалар модификацияланган Boeing-747 самолёти ёрдамида орбитага олиб чиқилиши керак эди. Тошкент вақти билан тахминан 3:00 да у Корнуоллдаги Ньюки аэропортидан учиб чиқди. Бир ярим соатдан кейин Boeing-747 LauncherOne ракетасини муваффақиятли чиқариб юборди, сўнг ортга қайтиб, Корнуoллга қўнди. Ракета биринчи поғона двигателларини тушириб юборди ва Ерга яқин паст орбитага кўтарила бошлади, аммо бу жараённи якунига етказа олмади.
Бу Буюк Британия ҳудудидан амалга оширилган биринчи ракета парвози бўлди. Британияда ишлаб чиқарилган сунъий йўлдошлар бунгача чет элдаги космодромлар орқали орбитага юборилган.
Virgin Orbit — британиялик миллиардер Ричард Бренсоннинг космик туризм билан шуғулланишни режалаштирган Virgin Galactic компаниясидан 2017 йилда алоҳида ажралиб чиққан компания.
Изоҳ (0)